साँकेतिक तस्बिर
बाँके । बाँकेमा बिहीबार बिहानै चिर्पट प्रहार गरी १ जना युवकको हत्या गरिएको छ । बिहान १ बजे बाँकेको खजुरा गाउँपालिका–५ रुद्रपुर नयाँ बस्तीमा ४० वर्षका सन्तोष कठरियाको चिर्पट प्रहार गरी हत्या गरेको बाँके प्रहरीले जनाएको छ ।
प्रहरीले दिएको जानकारी अनुसार ५–६ जनाको समूहमा आएका ब्यत्तिहरुले कठरियालाई चिर्पट प्रहार गर्दा गंभिर घाईते भएका थिए । घाइते कठरियाको उपचारका क्रममा नेपालगञ्ज नर्सिङहोममा ज्यान गएको हो ।
उक्त समूह मृतकको घरमा लुटपाट गर्ने उदेश्यले गएको र सोही क्रममा कठरियालाई चिर्पट प्रहार गरी घाइते बनाएर लुटपाट गरेर फरार भएको हुन सक्ने प्रहरीले अनुमान गरेको छ ।
प्रहरीले घटनाको गहन अनुसन्धान गरिरहेको जनाएको छ ।