गोरखा । भोली महाशिव रात्री तथा नारी दिवश । ब्रह्मा कुमारी विश्व बिद्यालय गोरखा शाखाले आजदेखी ३ दिन विशेष कार्यक्रम गरेर मनाउदै छ ।

गोरखा शाखाकी सञ्चालिका पबित्राका अनुसार महाशिव रात्री र नारी दिवशलाई यस पटक विशेष गरी मनाउन लागिएको हो । उनका अनुसार आजै साँझ ४ बजेदेखी ६ बजेसम्म सदरमुकामको कवर्ड हलमा राजयोग साधना अभ्यास शिविर सञ्चालन हुने छ ।

शुक्रबार परेको महाशिव रात्रीको शुभ अवशरमा भने शाखाले २ भिन्न प्रशिक्षण कार्यक्रम आयोजना गरेको छ । सञ्चालिका पबित्राका अनुसार दिउसो १२ बजेदेखी २ बजेसम्म ‘खुशीयाली जीवनको लागि दुब्र्यसन मुक्त जीवन शैली’ र राजयोग साधना’ सम्वन्धी २ वटा प्रशिक्षण कार्यक्रम राखिएको छ । दुब्र्यसनका बारेमा रमन र राजयोगका बारेमा पबित्राले प्रशिक्षण कार्यक्रम रहेको पनि शाखाले जानकारी दिएको छ ।

भोली नै कार्यक्रम सुरु गनुपूर्व शाखा कार्यालयबाट शक्तिचोक, पुरानो बसपार्क, पदेली, ठुलो आँगन, तिनधारे, गणेशपाटन, पाटेचौर, गोरखा अस्पताल, घ्याम्पेशालचोक हुदै कवर्ड हलसम्म ¥यालीको आयोजना गरिएको छ ।

त्यस्तैगरी , कार्यक्रमको अन्तिम दिनमा २६ गते श्रीमद्भागवत् गीता ज्ञान यज्ञ बिषयक दार्शनिक प्रवचन कार्यक्रम राखिएको छ । बिहान ११ बजेदेखी २ बजेसम्म चल्ने प्रवचन कार्यक्रममा ब्रह्माकुमारी अमृत (अप्सरा) दिदीले सञ्चालन गर्ने कार्यक्रम तय भएको शाखाले जानकारी दिएको छ ।

कार्यक्रमको सम्पूण तयारी पुरा भएको आयोजक संस्थाले जनाएको छ । कार्यक्रम हुने स्थानलाई विशेष रुपमा सजाइएको छ ।

लेखकबाट थप:

• सुन ताेलामा ४८ सयले घट्याे
• आज कुशे औँसी
• नेपाल राष्ट्र बैंकले शुक्रबारकाे लागि निर्धारण गरेकाे विदेशी मुद्राको विनिमयदर
• चितवनमा इभी कारमा आगलागी, चालकको मृत्यु, पहिचान हुन सकेन
• आजकाे माैसम : देशभर मनसुनी वायुको प्रभाव कायमै, केही स्थानमा भारी वर्षाको सम्भावना