उदयपुर । उदयपुरमा आज प्याराग्लाइडिङ गर्नेक्रममा सालको रुखमा अड्किएका २ जना प्याराग्लाइडरको सशस्त्र प्रहरीले सकुशल उद्धार गरेको छ । जिल्लाको त्रियुगा नगरपालिका–११ स्थित रमिते डाँडाबाट उडेका प्याराग्लाइडरको सशस्त्र प्रहरीले सकुशल उद्धार गरेको
प्याराग्लाइडिङ गरेको केही बेरमा नै हावाको प्रभावले अनियन्त्रित भई नवोदय सामुदायिक बन चप्पनको जंगलमा रहेको सालको रुखमा अड्किएका थिए । करीब १०० फिट अग्लो रुखमा अड्किएका कास्की जिल्ला, पोखरा महानगरपालिका–१८ सारङकोट बस्ने २९ बर्षिय रविन्द्र ढकाल (पाईलट) र उदयपुर जिल्ला त्रियुगा नगरपालिका–११ विशालनगर बस्ने २६ बर्षिय सिद्धान्त बस्नेतलाई शसत्र प्रहरीले सकुशल उद्वार गरेको शसत्र प्रहरीका शसत्र प्रहरी नायब उपरिक्षक एवं सह प्रबक्ता शैलेन्द्र थापाले जानकारी दिए ।
घटनाको जानकारी पाए लगत्तै सशस्त्र प्रहरी बल नेपाल नं. ५ त्रियुगा गण उदयपुरबाट उद्धारको लागि सुरक्षा फौज परिचालित गरी उनीहरुको सकुशल उद्धार गरेको सह प्रवत्ता थापाले बताए ।
उद्वारमा स्थानीय बासिन्दा तथा अन्य सुरक्षा निकायको सहयोगमा सशस्त्र प्रहरीको विपद् व्यवस्थापन तालिम प्राप्त फौजले रोप रेस्क्यु विधि अपनाई उनीहरुको उद्धार गरेको उनले जानकारी दिए ।
