गोरखा । गोरखाको भालुस्वाराँमा गएराती भएको मोटरसाईकल दुर्घटना पछी फरार भएका चालकलाई प्रहरीले पक्राउ गर्न सफल भएको छ । दुर्घटना लगत्तै फरार भएका गोरखा नगरपालिका–३ नारेश्वरका ३० बर्षिय राजेश परियारलाई प्रहरीले आज दिउसो ३ बजे गोरखा सदरमुकामबाट पक्राउ गरेको हो ।
शनिबार राती १० बजेको समयमा सिरानचोक गाउँपालिका–७ को भालुस्वाराँमा बा. ९१ प ४५८ नम्बरको मोटरसाईकल नियन्त्रण गुमाउदा दुर्घटना हुदाँ सिरानचोक गाउँपालिका–६ नयाँसाँघुका २७ बर्षिय मिलन थापा मगरको ज्यान गएको प्रहरी निरिक्षक एवं सूचना अधिकारी रबिन्द्र अधिकारीले जानकारी दिए ।
दुर्घटनामा ज्यान गुमाएका मिलन थापा मगर
उनका अनुसार उक्त दुर्घटना लगत्तै चालक परियार सो स्थानबाट फरार भएका थिए । दुर्घटनामा परी गंभिर घाईते भएका मिलनको गोरखा अस्पतालमा उपचारको क्रममा निधन भएको थियो ।
पक्राउ परेका चालक परियारलाई प्रहरीले हिरासतमा राखेर अनुसन्धान थालेको जनाएको छ । मृत्तक मिलन थापा मगरको शव भने आजै गोरखा अस्पतालमा पोष्टमार्टम पछी आफन्तलाई बुझाएको प्रनि अधिकारीले बताए ।
