काठमाडौं । हिजो भएको वाफ महिला च्याम्पियनसिपको फाइनल खेलमा नेपाल जोर्डनसँग पराजित भएको छ । साउदी अरबको जेद्दामा सम्पन्न फाइनल खेलमा नेपाल जोर्डनसँग पेनाल्टी सुटआउटमा ५–३ गोलले पराजित भएको हो ।
खेलको मध्यान्तरसम्म नेपालले १–० गोलको अग्रता बनाएको थियो । नेपालका लागि सविता राना मगरले खेलको २९औँ मिनेटमा गोल गरेकी थिइन् । त्यस्तै खेलको ७४औँ मिनेटमा जोर्डनकी लाना फेरासले गोल गर्दै खेललाई १–१ गोलको बराबरीमा ल्याइन् ।
खेलको ८९औँ मिनेटमा जोर्डनले खेलमा दोस्रो गोल गर्यो । जोर्डनका लागि साराह अबु साबाहले गोल गरिन् । खेलको दोस्रो हाफको अत्तिरिक्त समयमा पेनाल्टीमा नेपालकी गीता रानाले गोल गरेपछि खेल २–२ को बराबरीमा पुगेको थियो ।
त्यसपछि खेल पेनाल्टीमा गएको थियो । फिफा वरियतामा नेपाल १०५औं स्थानमा छ भने जोर्डन ७४औँ स्थानमा छ ।
योसँगै जोर्डन छैटौँ पटक उपाधि जित्न सफल भएको छ ।