एजेन्सी । प्रख्यात भारतीय गजल गायक पङ्कज उदासको ७३ वर्षको उमेरमा हिजो निधन भएको छ । भारतीय सञ्चार माध्यमका अनुसार उनको सोमबार बिहान ११ बजे मुम्बईको ब्रीच क्यान्डी अस्पतालमा उदासको निधन भएको हो ।
उनलाई केही महिनाअघि क्यान्सर भएको थियो । भारतीय सिनेमा र पप सङ्गीतमा उनको ठुलो योगदान रहेको पाइन्छ । सन् १९८० मा रिलिज भएको एल्बम ‘आहत’बाट उनी चर्चित भएका थिए ।
उनले सन् २००६ मा पद्मश्री पुरस्कार समेत पाएका थिए । उनको गजल ‘चिठी आई है’ र चलचित्र ‘मोहरा’मा उनले साधना सरगमसँग मिलेर गाएको गीत ‘ना कजरेकी धार’ अहिले पनि प्रख्यात छ । उनका मुकरार, तरन्नुम र मेहफिल जस्ता थुप्रै प्रख्यात गीत छन् ।
