गोरखा । १२ बर्षिया बालिकालाई पटक पटक करणी गरेको आरोपमा चितवन भरतपुरबाट प्रहरीले १ जनालाई पक्राउ गरेको छ । पक्राउ पर्नेमा भरतपुर महानगरपालिका–१८ घर भएका ३२ बर्षका प्रदिप लामा लोप्चान भएको गोरखा प्रहरीले पुष्टी गरेको हो ।
भरतपुर घर भई हाल कठमाण्डौ महानगरपालिका–४ बालुवाटर बस्ने लोप्चनले १२ बर्षिया बालिका ‘२६ परिसर’ (नाम परिवर्तन)लाई माघको २१ गते राजधानीबो भगाई गोरखाको पालुङटार नगरपालिका–५ ठाटीपोखरी राखी गएको फागुन १ गतेदेखी ६ गतेसम्म पटक पटक जबरजस्ती करणी गरेको भन्दै उनका आफन्तले प्रहरीले निवेदन दिए लगत्तै पक्राउ गरीएको जिल्ला प्रहरी कार्यालय गोरखाका प्रहरी नायब उपरिक्षक एवं सूचना अधिकारी रमेशकुमार श्रेष्ठले जानकारी दिए ।
उनका अनुसार आरोपितले राजधानीबाट विभिन्न प्रलोभन दिएर नाबालिकालाई गोरखाको ठाँटी पोखरी ल्याएका थिए । जबरजस्ती करणी गरेको घटनामा पीडितको आफन्तले जिल्ला प्रहरी परिसर, महिला बालबालिका तथा जेष्ठ नागरिक सेवा केन्द्र कालीमाटी काठमाडौंमा जाहेरी दिएको थियो ।
सोही कार्यालयबाट खटिएको प्रहरीको टोलीले आरोपित लोप्चनलाई फागुन १२ गते शनिबार पक्राउ गरी गोरखा पठाएको सूचना अधिकारी श्रेष्ठले जानकारी दिए । पक्राउ परेको लोप्चनलाई फागुन १४ गते सोमबार प्रहरीले जबरजस्ती करणी कसूर शीर्षकमा मुद्दा दर्ता गरी जिल्ला अदालत गोरखाबाट अनुसन्धानका लागि म्याद थप भएको छ ।
आरोपितलाई प्रहरीको हिरासतमा राखेर अनुसन्धान थालिएको गोरखा प्रहरीले जानकारी दिएको छ ।