गोरखा । गोरखा सदरमुकाममा आज ६ कम्यूनिष्ट पार्टीको पहिलो संयुत्त बैठक बसेको छ । बैठकमा जिल्लाको बिकास तथा साझा मुद्वामा सहकार्य गर्दै अगाडी बढ्ने सहमती भएको छ ।
बैठकमा साझा मुद्वामा सहमती गर्दै अगाडी बढ्ने सहमती भएको नेपाल कम्यूनिष्ट पार्टीका कपिल भट्टले जानकारी दिए । आइतबार दिउसो भएको बैठकमा नेकपा माओवादी केन्द्रका अमर तमु, नेकपा एमालेका लिलाबहादुर थापा, नेकपा एकिकृत समाजबादीका यादव बस्नेत, नेपाल समाजबादी पार्टीका पूर्णमायाँ वन्त, जनता समाजबादी पार्टीका पवित्रा बराम र नेपाल कम्यूनिष्ट पार्टीका कपिल सी (भट्ट) को सहभागिता रहेको थियो ।
लोकतान्त्रिक गणतन्त्र र समाजबाद मान्नेहरु बिच सहकार्य गर्ने सहमती अनुसार जिल्लामा पहिलो पटक वैठकको आयोजना नेपाल कम्यूनिष्ट पार्टीले आयोजना गरेको हो ।
बैठकमा लघु बित्त बित्तिय संस्थामा देखा पर्दै आएको समस्याको बिषयले समेत स्थान पाएको थियो ।
