गोरखा । गोरखा सदरमुकाममा पहिलो पटक अन्तरपालिका स्तरिय भलिबल प्रतियोगिता हुने भएको छ । जिल्ला भलिबल संघ गोरखाको आयोजनामा पहिलो पटक ‘प्रथम गोरखा जिल्ला अन्तर पालिका स्तरिय पुरुष तथा महिला भलिबल प्रतियोगिता २०८०’ हुने भएको हो ।
संघले आज सदरमुकाममा पत्रकार सम्मेलन गर्दै आउदो चैत्र २७ गतेदेखी ३० गतेसम्म सदमुकामको खेलकुद मैदानमा प्रतियोगिताको आयोजना गरेको जानकारी दिएको छ । संघका जिल्ला अध्यक्ष कृण्ण गुरुङले युवाहरुको ठुलो जनशत्ति कुलतमा फसेकोले खेल मार्फत युवाहरुलाई परिचालन गर्ने र खेलकुदको बिकासका लािग पनि खेलको आयोजना गरेको बताए ।
खेलबाट ब्यवसायीक खेलाडीहरुको पनि उत्पादन हुने भन्दै संघका महासचिव राजुबावु श्रेष्ठले आगामी बर्षदेखी विविध खेलहरु खेलाउने गरी महोत्सवका रुपमा आयोजना गरिने जानकारी दिए ।
प्रतियोगितामा प्रथम, द्वितिय, तृतिय र सान्त्वना हुने पालिकाले क्रमश ७०, ४०, २५ र १५ हजार नगदका साथै ट्रफी, मेडल र प्रमाण पत्र पाउने छन् । सहभागी पालिकाहरुले दर्ता शुल्क बापत १० हजार रुपैयाँ तिनुपर्ने पनि आयोजक भलिबल संघले जानकारी दिएको छ ।
त्यस बाहेक पनि सर्बोत्कृष्ठ खेलाडीलाई ५ हजार तथा उत्कृष्ट डिफेन्डर, सेटर, ब्लकर, सर्भर, खेलाडी, स्पाईकल र प्रशिक्षकलाई २–२ हजार नगद प्रदान गरिने पनि पत्रकार सम्मेलनमा जानकारी गराईएको थियो ।
लिगकम नकआउटको आधारमा खेलाइने खेल फाइनमा वेष्ट अफ ५ र अन्य खेल भने वेष्ट अफ ३ मा खेलाइने महासचिव श्रेष्ठले पत्रकार सम्मेलनमा जानकारी गराएका थिए ।
खेल अवधिभर करिब १३ लाख रुपैयाँ खर्च हुने पनि आयाेजकले जानकारी गराएकाे छ ।