गोरखा । गोरखा सदरमुकाममा जारी ‘मिस्टर बि ८औं गोरखकाली रनिङकप फुटवल’ प्रतियोगिता दोस्रो दिन भएको दोस्रो र तेस्रो खेलमा क्रमश. तनहुँ आँबुखैरेनीको अल स्टार एफसी र गोरखा सदरमुकामको पृथ्वी युवा क्लब बिजयी भएका छन् ।
समूह ‘ए’ बाट दिउसो १ बजे खेल खेलेको घैरुङ एफसीलाई पराजित गर्दै आँबुखैरेनीको अलस्टार क्लब बिजयी भएको थियो । पहिलो हाफमा २–० खेल खेलेको घैरुङ एफसी र अलस्टार बिच दोस्रो हाफमा अल स्टारले लगातार ६ गोल गर्न सफल भएको थियो । दोस्रो हाफमा भने घैरुङ एफसीले १ गोल मात्र गर्न सफल भएको थियो ।
घैरुङ एफसीका तर्फबाट पहिलो र दोस्रो हाफमा अस्विन तामाङ ह्ट्रिक गर्न सफल भएका थिए । यता घैरुङलाई हराउन अलस्टारका विदेशी खेलाडी याम्मीले दोस्रो हाफमा लगातार ४ गोल गरेका थिए । अलस्टारका लागि देवराज गुरुङ र सान्त गुरुङले समान १–१ गोल गरेका थिए ।
सोमबार नै भएको अन्तिम खेलमा भने निकै रामोन्चक भएको थियो । पहिलो हाफमा त्रिवेणी युवा क्लब मुग्लिन चितवनले १ गोल र दोस्रो हाफमा गोरखा नगरापालिका–८ आहालेको पृथ्वी युवा क्लबले १ गोल गरेर वरावरीको खेल खेलेको थियो ।
त्रिवेणीका मनिष गुरुङले पहिलो हाफको २६औं मिनेटमा गोल गरेका थिए भने पृथ्वीका रबी स्याङतानले दोस्रो हाफको ४ मिनेट थपिएको इन्जुरी टाइममा गोल गरेका थिए । बरावरी खेल खेलेको त्रिवेणीलाई भने पेनाल्टी सुट आउटका आधारमा पृथ्वीले जित हात पारेको थियो ।
पेनाल्टी सुट आउटमा पृथ्वीका युवराज खड्का, राजकाजी थापा, विकास लामा, सुर्य लामा, रोजन श्रेष्ठ र रबिन तामाङले समान १–१ गरेका थिए ।
उता हार ब्यहोरेको त्रिवेणीका मनिाष गुरुङ, मार्वल सुनार, विपिन कडेल, विपन गुरुङ र शैलेन्द्र तामाङले समान १–१ गोल गरेको भएता पनि सागर तामाङले हानेको अन्तिम प्रहार गोल रक्षकले छेकेपछी पृथ्वी युवा क्लब बिजयी भएका थिए ।
भोलीको खेल भने समूह ‘ए’ बाट आरुघाट गाउँपालिका र चाईनिज धारा फेमिली बिच दिउसो ३ बजे हुने छ भने समूह ‘बि’ बाट आरुमेल मुस्लिम युवा क्लब र याङकोट युवा क्लब बिच दिउसो ३ बजे हुने आयोजक हरमटारी क्लबले जानकारी दिएको छ ।
प्रतियोगीतामा बिजेताले ३ लाख ३३ हजार ३३३ रुपैयाँ र उपबिजेताले भने १ लाख ६६ हजार ६६६ रुपैयाँसहित मेडल र प्रमाण पत्र प्राप्त गर्ने छन् ।
