गोरखा । जिल्लाकै सर्वाधिक पुरस्कार राशी रहेको ‘मिस्टर बि ८औं गोरखकाली रनिङकप फुटवल’ प्रतियोगिता आजदेखि सुरु भएको छ ।
सदरमुकामको खेलकुद मैदानमा सुरु भएको प्रतियोगिताको गोरखा नगरपालिकाका नगरप्रमुख कृष्णबहादुर रानामगरले एक कार्यक्रमका बिच उद्घाटन गरका हुन् ।
प्रतियोगिताको उद्घाटन खेलमा दौतरी युवा क्लब चित्रेपोखरीलेले सतिपिपल युवा क्लब गोरखालाई पराजित गरेको छ । उद्घाटन खेलमा सतिपिपललाई ३ गोल का बिरुद्व ५ गोलले दाैतरी युवा क्बल बिजयी भएको हो ।
प्रतियोगिताको पहिलो हाफमा १–३ भएको सतिपिपल चित्रेपोखरीको खेल दोस्रो हाफमा २–२ को बरावरी खेल खेलेको थियो । चित्रेपोखरीका शिशिर लेखीले टिमका लागि ३ गोल गरेका थिए । त्यस्तैगरी चित्रेपोखरीका लागि अर्का खेलाडी समिप ढकालले २ गोल गरेका थिए ।
त्यस्तैगरी, सतिपिपलको तर्फबाट प्रदिप गुरुङ, शितिज भण्डारी र सुनिल थापाले समान १÷१ गोल गरेका थिए ।
आज भएको प्रतियोगितामा दौतरी युवा क्बल चित्रेपोखरीका शिशिर लेखी ह्याट्रिक गर्दै म्यान अफ द म्याच घोषित भएका छन् ।
प्रतियोगिता अन्तरर्गत भोली ३ खेल हुने आयोजक हरमटारी क्लका महासचिव किरण ढकालले जानकारी दिए । उनका अनुसार पहिलो खेल विहान ८ बजे रिपुमर्दन गण गोरखा र भीमसेन तारा युवा क्बल बुङकोट बिच हुनेछ भने दोस्रो खेल दिउँसो १ बजे अलस्टार क्लब आँबुखैरेनी र धैरुङ एफसी धैरुङ हुने छ ।
तेस्रो खेला भने दिउँसो ३ बजे खेल पृथ्वी युवा क्लब गोरखा र चितवनको त्रिवेणी युवा क्लब मुग्लिङ बिच हुने आयोजकले जानकारी दिएको छ ।
प्रतियोगीतामा बिजेताले ३ लाख ३३ हजार ३३३ रुपैयाँ र उपबिजेताले भने १ लाख ६६ हजार ६६६ रुपैयाँसहित मेडल र प्रमाण पत्र प्राप्त गर्ने छन् ।