गाेरखा दरर्बार र जिल्ला प्रहरी कार्यालयमा रहेकाे ‘क्वार्ज क्रिष्टल
गोरखा । केही महिना अगाडी गोरखा प्रहरीले बरामद गरेको पुरातात्विक ‘क्वार्ज क्रिष्टल’ गोरखा दरर्बार परिषरमा राख्ने निर्णय भएको छ । आज जिल्ला प्रशासनमा भएको क्वार्ज क्रिष्टल ब्यवस्थापन गर्ने बिषयमा भएको सर्व पक्षिय बैठले उक्त निर्णय गरेको प्रमुख जिल्ला अधिकारी भोला दाहालले जानकारी दिए ।
प्रजिअ दाहालका अनुसार नेपाल सरकार उद्योग, बाणिज्य तथा आपूर्ति मन्त्रालयको शुक्रबार बसेको बैठकले जिल्ला प्रहरी कार्यालय गोरखामा रहेको क्वार्ज क्रिष्टल जिल्ला भित्रै ब्यवस्थापन गर्न मन्त्रिस्तरको निर्णय भएकोले आजको बैठकले गोरखा दरर्बार परिषरमा ब्यवस्थापन गर्ने निर्णय गरेको हो ।
जिल्ला प्रशासन कार्यालय गाेरखामा शनिबार सर्व पक्षिय छलफलबाट भएकाे निर्णय
पुरातात्विक, ऐतिहासिक तथा बहुमुल्य मानिएको क्वार्ज क्रिष्टल बिक्री गर्न लाग्दा गोरखा प्रहरीले गोरखा नगरपालिका–५ को सतिपिपलको एक घरबाट नियन्त्रणमा लिएको थियो ।
उक्त क्रिष्टलाई जिल्ला भित्रै ब्यवस्थापन गनुपर्ने जिल्ला बासीको माग भई रहेको बेला मन्त्रालयले पत्रचार गरी जिल्ला भित्रै ब्यवस्थापन गनु भनेको कारण बैठक राखी उक्त निर्णय गरिएको पनि प्रजिअ दाहालले बताए । ‘यो सम्पत्ती गोरर्खालीकोले विवाद रहित तरिकाले तत्कालका लागि गोरखा दरर्बार परिषरमा राख्ने निर्णय भएको छ’ उनले भने ‘त्यसको सुरक्षाको जिम्मेवारी भने सुरक्षा समितिले निर्धारण गर्ने छ ।’
क्रिष्टलको बारेमा राष्ट्रिय तथा अन्तराष्ट्रि स्तरमा नै चर्चा चलेको भन्दै प्रजिअ दाहालले सुरक्षामा बिशेष ध्यान दिनुपर्ने बताए । ‘क्रिष्टलको सुरक्षाको बिषयमा हामी गम्भिर छौ । सुरक्षाका सबै बिधी अपनाएर भएपनि तत्कालै दरर्बार परिषरमा राख्छौ’ उनले भने ‘क्रिष्टल स्थापना संगै गोरखाको धार्मिक पर्यटनमा समेत यसले टेवा पुग्ने छ ।’
उघाेग मन्त्रालयमा शुक्रबार भएकाे निर्णय
क्रिष्टल ब्यवस्थापनकालागि लाग्ने खर्च भने गोरखा नगरपालिकाले खर्चिने भएको छ । क्रिष्टल गोरखा दरर्बार गोरखाकाली मन्दिर बिचको खाली भागमा सबैले हेर्न मिल्ने गरी राखिने भएको छ ।
सर्व पक्षिय बैठटकमा सहभागी हुन आएका नेपाली काँग्रेसका प्रदेश साँसद नन्दप्रसाद न्यौपानेले गोरखा धार्मिक हिसाबले महत्वपूर्ण भएकाले पनि क्रिष्टललाई धार्मिक मान्यता अनुसार गोरखा दरर्बार परिषरमा राख्दा राम्रो हुने सुझाब दिएका थिए । उनले दरर्बार परिषरमा प्रतिस्थापन गर्दा सबैको पहुचमा हुने र धार्मिक हिसाबले पनि सबैको आत्मासम्मान हुने धारणा ब्यत्त गरे ।
छलफलमा सहभागीहरु
बैठकमा सहभागी गोरखा नगरपालिकाका प्रमुख कृण्णबहादुर राना मगरले पनि धार्मिक पर्यटनका हिसाबले पनि क्रिष्टललाई गोरखा दरर्बार परिषरमा नै राख्न उपयुत्त हुने सुझाव दिएका थिए ।
बैठकमा नेकपा माओवादी केन्द्रका अकुर तिमिल्सेना ‘आयाम’, नेकपा एमालेका जिल्ला सचिव काजीराम रोक्का, राप्रपा नेपालका केन्द्रिय सदस्य कुलबहादुर बस्नेत, गोरखा उद्योग बाणिज्य संघका अध्यक्ष कृण्णकुमार श्रेष्ठ, गोरखा चेम्बर अफ कमर्शका अध्यक्ष भाईचन्द्र श्रेष्ठ, जेष्ठ नागरिक संघको जिल्ला अध्यक्ष एवं केन्द्रिय सदस्य मोहनलाल श्रेष्ठ, रबिन्द्र थापा, बालकृण्ण लामिछाने तथा सञ्चारकर्मी कैलासबावु श्रेष्ठ र भिमलाल श्रेष्ठले छलफलमा सहभागी हुदै चाढो र उचित ब्यवस्थापन गर्न आग्रह गरेका थिए ।
छलफलमा सहभागीहरु
विश्वकै ठुलाे मानिएकाे उक्त क्रिष्टल ५३ केजी ताैलकाे छ । यस अधि ३२ केजीकाे क्रिष्टल फेला परेकाे भू-गर्भ बिभागकाे रेकर्डमा उल्लेख गरिएकाे छ ।