गोरखा । भीमसेन थापा गाउँपालिका–१ को वडा अध्यक्ष बिकास श्रेष्ठले जेष्ठ नागरिकहरुलाई घर घरमा नै पुगेर बृद्वभत्ता बितरण गर्न सुरु गरेका छन् । भत्ता लिन वडासम्म आउन नसक्ने तथा असहाय एवं जेष्ठ नागरिकहरुको सेवा सुविधाका लागि उनीहरुको घर घरमा नै पुगेर भत्ता बितरण गर्न थालिएको हो ।
गएको बिहीबार मात्रै पनि वडाध्यक्ष सहितको एक टोलीले माँझथोकका ९४ बिर्षय टेकबहादुर श्रेष्ठ वडाध्यक्ष सहितको टोलीले घरमा पुगेर हातमा नै पैसा राखिदिए । श्रेष्ठले बिगत २४ बर्षदेखी सामाजिक सुरक्षा भत्ता लिएको भएता पनि यो पटक भने आफ्नै घरमा आफैले चुनेका अध्यक्षको हात बाट भत्ता लिन पाएका थिए ।
वडाध्यक्ष श्रेष्ठको हातबाट पैसा बुझदै उनले ‘हाम्रो सेवा गरीरहनु भएको छ तपाईको भलो होस्’ भन्न पनि भ्याए । टोलीले चालु आर्थिक बर्षको दोस्रो त्रैमासिक अन्तरर्गत प्राप्त गर्ने १२ हजार रुपैयाँ हात परेको खुशी हुदै फनफनी नाँच्ने ।
त्यस्तै खुशी बिहिवार घर बाहिर प्लास्टिकको टाट ओछ्याएर भुइमा पल्टिरहेकी मसेल खगिथोककी १०३ बर्षकी मममाया धिताल पनि भईन । नजिकै पुगेर वडाध्यक्ष श्रेष्ठले आमा कस्तो छ तपाईलाई ? हामी भत्ता लिएर आएका छौ भनेर बोलाए । उठ्न बस्न समेत निक्कै सकस पर्ने बृद्धा धितालले आर्शिवाद दिदै कागजपत्रमा ल्याप्चे लगाइन ।
वडाध्यक्ष श्रेष्ठले उनीलाई पनि ३ महिनाको भत्ता वापतको १२ हजार रुपैयाँ हातमा थमाइदिए । हातमा पैसा लिदै बृद्धा धितालले भनिन, ‘‘तपाईले जितेर आएपछि हामीलाई धेरै सजिलो भएको छ । सवैले तपाईले जस्तै जनताको सेवा गर्दिए कस्तो हुन्थ्यो होला ।’’
२०७९ सालमा बैशाखमा सम्पन्न स्थानीय तहको निर्वाचनका बेला गरेको प्रतिवद्धता अनुसार वडा भित्रका रहेका अशक्त, अपांगता भएका र हिडडुल गर्न नसक्नेहरुका लागि घरघरमा पुगेर सामाजिक सुरक्षा भत्ता वितरण गर्दै आएको वडाध्यक्ष श्रेष्ठ बताए ।
भत्ता बुझ्नकाेलागी बैंकमा लामो समयसम्म लाइनमा बस्नु पर्ने बाध्यता र हैरानी अब सकिएकाे पनि वडाध्यक्ष श्रेष्ठले बताए । श्रेष्ठका अनुसार बैंकको सवै कागजात सहित घरमै भत्ता बुझ्न पाएपछि खुशी नहुने कुरै भए नि ?
वडामा ४५ जना भन्दाबढी लाभग्राहीको घरघरमा पुगेर सामाजिक सुरक्षा भत्ता वितरण गर्ने उनको योजना छ । हिडडुल गर्नसक्ने बाँकी रहेका लाभग्राहीहरुलाई भने टोलटोलमा घुम्ती सेवा मार्फत सामाजिक सुरक्षा भत्ता वितरण गर्दै आएको पनि उनले जानकारी दिए ।
घर घरमा सामजिक सुरक्षा भत्ता लिएर पुग्दा जेष्ठनागरिकहरु खुशी हुने गरेको उनले अनुभव सुनाए । वडाध्यक्ष श्रेष्ठले त्यस बाहेक पनि जेष्ठ नागरिकहरुको नियमित रुपमा घर घरमा पुगेर स्वास्थ्य जाँच समेत गर्दै आएको बताए ।