गोरखा । गोरखा जिल्लाकै सर्वाधिक पुरस्कार राशी भएको मिस्टर बि आठौं गोरखकाली रनिङ कप २०८० को तयारी अन्तिम चरणमा पुगेको छ । यही फागुन ६ गतेदेखि सुरु हुने प्रतियोगिताको तयारी अन्तिम चरणमा पुगेको अघ्यक्ष जिवन गुरुङले जानकारी दिए ।
क्लबले आज पत्रकार सम्मेलन गर्दैं गोरखाको १२ टिम र तनहुँ तथा चितवनको १–१ गरी कुल १४ टिमको सहभागिता रहने अध्यक्ष गुरुङले जानकारी दिए । ‘गोर्खालीको सान समग्र गोरखा चिनाउने हाम्रो अभियान’ भन्ने मुल नाराका साथ सञ्चालन हुन लागेको प्रतियोगितको उद्घाटन खेल सतिपिपल क्लब सतिपिपल र दौतरी युवा क्लब चित्रेपोखरी बिच हुनेछ ।
त्यस्तै ७ गते पहिलो खेल रिपुमर्दन गण गोरखा र भीमसेन तारा युवा क्बल बुङकोट, दोस्रो खेल अलस्टार क्लब आँबुखैरेनी र धैरुङ एफसी धैरुङ र तेस्रो खेल पृथ्वी युवा क्लब गोरखा र चितवनको त्रिवेणी युवा क्लब मुग्लिङ बिच हुने पत्रकार सम्मेलनमा अध्यक्ष गुरुङले जानकारी दिए ।
नकआउट चरण अन्तरर्गतको तेस्रो दिन ९ गते आरुमेल मुग्लिन युवा समाज र याङकोट युवा क्लब याङकोट विच पहिलो खेल हुनेछ भने दोस्रो खेल आरुघाट युवा क्लब आरुघाट र चाइनिज धारा फेमिली गोरखा बिच हुनेछ ।
१० गते आरुमेल मुग्लिन युवा समाज र याङकोट युवा क्लब याङकोट मध्येबाट बिजेता टिमसंग खोप्लाङ एफसी खोप्लाङसंग प्रतिस्पर्धा गर्नेछ भने आरुघाट युवा क्लब आरुघाट र चाइनिज धारा फेमिली गोरखा मध्येबाट बिजयी हुने टिमले बाईमा परेको आयोजक हरमटारी युवा क्लबसंग प्रतिस्पर्धा गर्ने छ ।
प्रतियोगितााको फाइनल खेल फागुन १२ गते हुनेछ । प्रतियोगीताको बिजेताले ३ लाख ३३ हजार ३३३ रुपैयाँ र उपबिजेताले भने १ लाख ६६ हजार ६६६ रुपैयाँसहित मेडल र प्रमाण पत्र प्राप्त गर्ने आयोजकले जानकारी दिएको छ ।
प्रतियोगिता अवधीभर उत्कृष्ट डिफेन्स, उत्कृष्ट गोलरक्षक, उत्कृष्ट मिड फिल्डर र उच्च गोलकतालाई १०÷१० हजार पुरस्कार प्रदान गरिने आयोजकले जनाएको छ ।
दर्शकले प्रतियोगिताको सेमिफाइन र फाइनल खेल हेर्न १०० को टिकट व्यवस्था गरिएको छ भने त्यस वाहेकका अन्य खेलका लागि ५० रुपैयाको टिकट व्यवस्था गरिएको छ ।
प्रतियोगिता सम्पन्न गर्न करिब २१ लाख ५० हजार रुपैया खर्च हुने अनुमान गरिएको छ । प्रतियोगिताको उद्घाटन गोरखा नगरपालिकाका नगरप्रमुख कृष्णबहादुर राना मगरले गर्ने कार्यक्रम तय भएको पनि आयोजकले जानकारी दिएको छ ।