गोरखा । गोरखा सदरमुकाममा रहेको सरकारी जमिनमा होसन्ना मण्डलीको मनपरी हुदा पनि सरोकार वाला चुपलागेर बसेको छ । गोरखा नगरपालिका–८ को रेडक्रस भवन पछाडीको सरकारी जमिनमा पक्की भवन निर्माण गर्दा पनि नगरपालिका भने बेखबर भएर बसेको हो ।
स्विकृती बिना मण्डलीले बिगत ०७२ सालदेखी अस्थायी संरचना बनाएर बस्दै आएकोमो केही महिनादेखी पक्की भवन निर्माण गर्दा पनि वडा कार्यालयदेखी स्वंय नगरपालिका समेत बेखर भएर बसेको छ ।
बिना स्विकृती ४ काेठे पक्की भवन निर्माण
मण्डलीले हालै मात्र चारकोठा भएको पक्की भवनको अन्तिम चरणमा रहेको छ । ढलानको तयारीका लागी फर्मा राखेर रड बाध्ने काम सम्पन्न गरी सकेको छ । मण्डलीले सो क्षेत्रमा ६ आनाभन्दा बढी जमिन बिना स्विकृती मनोमानी ढंगले कब्जा गर्दै आएको छ । अहिले बनाएको संरचनाले खोलाको भागलाई समेत च्यापेर भवन निर्माण भईरहेको देखिन्छ ।
स्थानियको गुनासो पछी काम रोक्न भनेका छौ : वडा अध्यक्ष खत्री
गोरखा नगरपालिका–६ कालिमाटी टोलका स्थानियको ब्यापक गुनासो पछी बिहीबार वडा अध्यक्ष ऋषीराम खत्री स्वयम भवन निर्माण स्थलमा पुगेका थिए । उनले मण्डलीका पाष्टर ज्ञानबहादुर रानामगरलाई भोगाधिकारको कागज वा संरचना बनाउन दिएको स्विकृती पत्र मागेका थिए । आवश्यक कागज पत्र दिन नसकेपछी तत्कालै काम रोक्न उनले आदेश दिएका थिए ।
‘स्थानियको गुनासो पछी म आफै भवन निर्माण स्थल पुगेको थिए’ उनले भने ‘स्थानियलाई साक्षी राखेर काम रोक्न भनेको छु ।’ यती गर्दा पनि जबरजस्ती गरेको खण्डमा आफुले सञ्चालकहरु बिरुद्व कानूनी कारवाहीका जान बाध्य हुने वडा अध्यक्ष खत्रीले बताए ।
उनका अनुसार भोगाधिकार नभएको र भवन बनाउने स्विकृती समेत नभएका कारण अवैध संरचना भत्काउनु बाहेक अन्य बिकल्प नभएको समेत बताए । वडा अध्यक्ष खत्रीका अनुसार खोलाको आसपास ५ मिटर छाडेर मात्र संरचना बनानउ पाउने कानूनी प्रावधानलाई चुनौती दिएको होसन्ना मण्डलीका बिरुद्व तत्कालै नगरपालिकालाई लेखि पठाउने समेत जानकारी दिए ।
वडा अध्यक्ष मार्फत काम रोक्न भनेका छौ : नगर प्रमुख राना
गोरखा नगरपालिकाका प्रमुख कृण्णबहादुर राना मगरले बनिरहेको संरचना तत्कालै रोक्नका लागि वडा अध्यक्ष खत्री मार्फत भनिएको जानकारी दिए । सरकारी जग्गामा जो कोहीले पनि भोगाधिकार बिना संरचना बनाउनु गैर कानूनी भएको भन्दै प्रमुख रानाले तत्कालै अनुगमन गरेर त्यसको निर्णय लिने पनि बताए ।
मण्डली र पाष्टर राना मगरको बदमासी
मण्डलीका पाष्टरको घर गोरखा नगरपालिका–६ को कालिमाटी बजार क्षेत्रमा पर्दछ । ०७२ सालको बिनाशकारी ‘गोरखा भुकम्प’ आउनुभन्दा अगाडीसम्म उनले उक्त चर्च आफ्नै घरबाट सञ्चालन गर्दै आएका थिए । भूकम्प लगत्तै घरभित्र चर्च सञ्चालन गर्न समस्या भएकोभन्दै प्रभावति क्षेत्र कालीमाटी टोल बिकास संस्था संग उक्त जग्गाको भोगाधिकार माग्दै निवेदन दिएका थिए ।
हाेसन्ना मण्डलीकाे पुरानाे भवन
तात्कालिन अध्यक्ष शिशुबावु प्रधान (शिशिर)ले टोल बिकासको बैठकमा उक्त कुरा राखे लगत्तै लिखित दिन नमिल्ने तर केही समयको लागि मात्र अस्थायी संरचना बनाएर बस्न दिने भन्ने छलफल भएको भएता पनि आफुले भने नमानेको बताए । टोल बिकासको स्विकृती समेत नभएको उक्त स्थानमा पाष्टर राना मगरकै अगुवाईमा जबरजस्ती अस्थायी संरचना बनाउने काम भएको प्रधानले जानकारी दिए ।
हाेसन्ना मण्डलीकाे पुरानाे भवन
अस्थायी संरचनाको बहानामा केही समयदेखी पाष्टर राना मगरले संगै रहेको जमिनमा गोरखा नगरपालिकाबाट ९० हजार अनुदान लिएर खोलाको सिमा मिचेर पर्खाल लगाउने काम गरे । सोही पर्खाल लगाएको क्षेत्रमा अहिले उनले पक्की भवन निर्माण गरेका हुन् । भवन निर्माणको लागि भने वडा र नगरापालिका दुवै सहमती भने दिएको छैन ।
बिना सहमती पक्क भवन निर्माण गरेर ढलान गर्ने तयारी भएकै बेला २ साता अगाडी मात्रै स्थानिय र गोरखा नगरपालिका–६ राजेन्द्रकुमार जोशी (दिलिप) तथा ८ का वडा अध्यक्ष ऋषीराम खत्री एवं मण्डकीका पाष्टर राना मगर सहित ६ नम्बर वडा कार्यालयमा छलफल हुदा काम रोक्ने सहमती अनुसार काम रोकेका थिए । पाष्टर राना मगरको एकल निर्णयले पुनः भवनको छत ढलान गर्ने तयारी गरे लगत्तै प्रभावित स्थानियले बिरोध गरेको हो ।
खोलाको सिमा मिचेर संरचना तयार
होसन्ना मण्डलीले अहिले बनाएको स्थायी संरचना खोला मिचेर बनाउदै आएको छ । खोला नियन्त्रणको नाममा सरकारी पैसा लिएर खोला मिचेर पर्खाल लगाएको र सोही पर्खालमा पिल्लर हालेर भवन निर्माण गर्न लागेका हो ।
नयाँ संरचना
सामान्य पनि खोला वरपरको संरचना तयार पार्दा ५ मिटर छाडेर मात्र बनाउन पाउछ । तर उनले तयार गरेको अहिलेको संरचनाको छतले भने खोलाको पुरै भाग छोपिन्छ ।