गोरखा । गोरखाको ११ स्थानिय तह मध्ये ६ वटा स्थानिय तहले आज सार्वजनिक बिदा दिएको छ । मंगलबार परेको जनयुद्व दिवसको अवसरमा जिल्लाको ६ स्थानिय तहले सार्वजनिक बिदा दिएको हो ।
विदा दिने स्थानिय तहमा धार्चे, अजिरकोट, बारपाक सुलिकोट, भिमसेन थापा, शहिद लखन र गण्डकी गाउँपालिकाले जनयुद्व दिवसमा बिदा दिएको सूचना सार्वजनिक गरेको छ ।
विदा दिएका पालिकाहरुले सूचनामा बैठकको निर्णय तथा कार्यपालिकाको निर्णयले सार्वजनिक विदाको घोषणा गरेको छ । सवै पालिकाले विदाका दिन गाउँपालिका कार्यालय, मातहतका कार्यालय, सम्पूर्ण विद्यालय र पालिका भित्र सञ्चालित सम्पूर्ण बैंक तथा वित्तीय संस्था बन्द रहने जारी सूचनामा उल्लेख छ ।
आजै जनयुद्ध दिवसको अवसरमा नेकपा माओवादी केन्द्रले साँझ दिप प्रज्जलन र सदरमुकाममा रक्तदान कार्यक्रम राखेको छ ।
