काठमाडौं । गृह मन्त्रालयले फागुन १ गते निर्धारण गरिएको सार्वजनिक बिदा कायम नरहेको स्पष्ट पारेको छ ।
मन्त्रालयका सहसचिव एवं प्रवक्ता नारायणप्रसाद भट्टराईले सोमबार एक सूचना जारी गर्दै सर्वोच्च अदालतको फैसलाका आधारमा मन्त्रिपरिषद्को निर्णयानुसार यसअघि राजपत्रमा प्रकाशित उक्त दिन बिदा कायम नरहेको जानकारी दिएका हुन् ।
सरकारले जनयुद्ध दिवसका अवसरमा फागुन १ गते सार्वजनिक बिदा दिने घोषणा गरेको थियो । सर्वोच्च अदालतले उक्त दिन सार्वजनिक बिदा नदिन सरकारलाई आदेश दिएको थियो ।
यसै देशैभरमा माओवादी केन्द्रबाट निर्वाचित पालिकाहरुले सूचना जारी गर्दै फागुन १ गते जनयुद्व दिवसको अवसरमा बिदा भन्दै सूचना जारी गर्न थाले पछि मन्त्रालयका सहसचिव एवं प्रवक्ता भट्टराईले सूचना जारी गर्दै बिदा नभएको जानकारी गराएको छ ।
यही माघ २५ गते बसेको मन्त्रिपरिषद्को बैठकले सर्वोच्च अदालतको आदेशअनुसार फागुन १ गते बिदा कायम नगर्ने निर्णय गरेको थियो ।