गोरखा । गोरखा नगरपालिकाको खानेपानी बोर्डमा काँग्रेस–माओवादी सहमती पछी नगरसभा हुने भएको छ । भागबण्डामा काँग्रेस–माओवादी सहमती संगै नगरपालिकाको नगरसभा फागनु १७ गते गर्ने सहमती भएको हो ।
सहमती अनुसार खानेपानी बोर्डमा नेपाली काँग्रेसको तर्फबाट उपमेयर सहित ५ जना र माओवादीको ४ जना बार्डमा राख्ने सहमती पछी नगरसभा गर्न सहमती भएको उपमेयर मसलीमायाँ थोकर पुनःले बताईन् ।
सहमती अनुसार नेपाली काँग्रेसका तर्फबाट उपमेयर थोकर सहित गोरखा नगरपालिका ९ र १२ को वडा अध्यक्ष तथा पृथ्वीनारायण साना सहरी खानेपानी तथा सरसफाई उपभोत्ता समिति र कर्णे खोला खानेपानी तथा सरसफाई उपभोत्ता समितिको तर्फबाट १–१ जना महिला र पुरुष राख्ने सहमती भएको हो ।
उता माओवादीको तर्फबाट भने मेयर र गोरखा नगरपालिका–७ का वडा अध्यक्ष सहित ४ जना राख्ने सहमती भएको छ । सहमती अनुसार माओवादीबाट १–१ जना महिला र पुरुष रहने छ । महिलाको नाम सार्वजनिक नभएता पनि पुरुषमा भने रामहरी केसीको नाम चर्चामा रहेको छ ।
मेयरको अध्यक्षतामा हुने बोर्डको सदस्य सचिवमा प्रमुख प्रशासकिय अधिकृत सचिव रहने ब्यवस्था छ भने अन्य १ सदस्यमा खानेपानी तथा सरसफाई डिभिजन कार्यालय गोरखाका प्रमुख रहने छन् ।
बार्डमा रहने सदस्यहरुको सहमती संगै अब लामो समयदेखी रोकिएको गोरखा नगरपालिकाको नगर सभा पनि फागनु १७ गतेलाई डाक्ने सहमती भएको छ ।