साँकेतिक तस्बिर
डडेल्धुरा । जिल्लाको अमरगढी–१ मा आगो ताप्ने क्रममा निसास्सिएर सासुबुहारीको ज्यान गएको छ । चिसो बढेसंगै एउटै कोठामा आगो तापेर सुतेका सासू र बुहारीको निसास्सिएर ज्यान गएको डडेल्धुरा प्रहरीले जनााएको छ ।
कोठामा धुवा बढी भएर निसास्सिएर उनीहरुको ज्यान गएको हुनसक्ने प्रहरीले अनुमान गरिएको छ । ज्यान गमाउनेमा अमरगढी नगरपालिका–१ मालम बस्ने ६० वर्षीया धौलीदेवी दियाल र २६ वर्षीया पुनम दियाल रहेको प्रहरीले जानकारी दिएको छ ।
बेहोस अवस्थामा फेला परेका दुवैलाई घरपरिवार र आफन्तको सहयोगमा आज बिहान अस्पताल लगिएको थियो । अस्पतालमा चिकित्सकले उनीहरुलाई मृत घोषणा गरेका थिए ।
प्रहरीले घटनाका सम्वन्धमा अनुसन्धान सुरु गरेको जनाएको छ ।