गोरखा । गोरखा सदरमुकाममा सर्वाधिक पुरस्कार राशी भएको ‘आठौं गोर्खाली रनिङ कप’ प्रतियोगिता हुने भएको छ । प्रतियोगिता आउँदो फागुन ६ गतेबाट हुने आयोजक हरमटारी क्लबले जनाएको छ ।
‘गोर्खालीको सान समग्र गोरखा चिनाउने हाम्रो अभियान’ भन्ने मुल नाराका साथ प्रतियोगिता फागुन ६ देखि १२ गतेसम्म सञ्चालनमा आउने उपाध्यक्ष अनिल श्रेष्ठले जानकारी दिए । प्रतियोगीताको बिजेता समूहले नगद ३ लाख ३३ हजार ३३३ रुपौयाँसहित कप, मेडल र प्रमाणपत्र प्राप्त गर्ने उपाध्यक्ष श्रेष्ठले बताए ।
त्यस्तै उपबिजेता समूहले १ लाख ६६ हजार ६६६ रुपौयाँसहित मेडल र प्रमाणपत्र पाउने आयोजक क्लबले जनाएको छ ।
१६ वटा समूहको सहभागिता रहने प्रतियोगितामा उत्कृष्ट डिफेन्स, उत्कृष्ट गोलरक्षक, उत्कृष्ट मिड फिल्डर र उच्च गोलकर्तालाई जनही १०–१० हजार पुरस्कारको ब्यबस्था गरिएको पनि क्लबले जानकारी दिएको छ ।
प्रतियागितामा सहभागि हुने समूहले माघ ३० गतेसम्म दर्ता गरीसक्नु पर्ने छ । टिम दर्ता शुल्क १५ हजार तोकिएको छ ।
रनिङ कप सदरमुकामको हरमटारी खेलमैदानमा हुने छ । खेलकुदको माध्यमबाट गोर्खाली खेलाडी उत्पादन गर्न र जिल्लाको प्रचार प्रसारका लागि गोर्खाली रनिङ कप आयोजना गरिएको हरमटारी क्लबले जनाएको छ ।