साँकेतिक तस्बिर
काठमाडौं । काठमाडौंको चन्द्रागिरि नगरपालिका–४ सेतो पहरामा कार दुर्घटना हुँदा ५ जनाको ज्यान गएको छ । दुर्घटनामा १ जना घाइते भएका छन् ।
काठमाडौंबाट चित्लाङतर्फ गइरहेको प्रदेश ३–०१ २३ च ६९५८ नम्बरको कार सडकबाट खस्दा ५ जनाको ज्यान गएको जिल्ला प्रहरी परिसर काठमाण्डौका प्रवक्ता प्रहरी उपरीक्षक कुमोध ढुंगेलले जानकारी दिए ।
दुर्घटनामा काठमाडौंको मैतिदेवी बस्ने वर्ष ६७ वर्षका ओमकार निधि तिवारी, ६४ वर्षीया कल्पना तिवारी, लाजिम्पाट बस्ने डा.महेशकुमार गौतम, ६ वर्षीया स्मारिका गौतम र ४ वर्षका प्रियान्स गौतमको ज्यान गएको हो ।
दुुर्घटनामा ज्यान गुमाएकी ६ वर्षीया स्मारिका गौतमकी आमा डा.सृष्टि तिवारी सामान्य घाइते भएको प्रहरीले जानकारी दिएको छ ।
