गोरखा । गोरखा प्रहरीले ज्यान मार्ने उद्योगमा पालुङटार नगरापालिकाको बेलटारबाट १ जना युवकलाई नियन्त्रणमा लिएको छ । प्रहरीले नियन्त्रणमा लिएका ब्यत्ति पालुङटार नगरपालिका–४ बेलटारका कृण्णबहादुर भुजेल भएको पुष्टी भएको हो ।
जिल्ला प्रहरी कार्यालय गोरखाका प्रहरी नायब उपरिक्षक एवं सूचना अधिकारी रमेशकुमार श्रेष्ठका अनुसार भुजेलले सोही स्थानमा बस्ने रामबहादुर शाहलाई मार्ने उद्वेश्यले घाँटी छुरा प्रहार गरी घाईते बनाएका थिए ।
पौष २३ गते सोमबार राती ९ः३० बजेको समयमा शाहले काम गरेको ज्याला माग्दा भुजेलले शाहको घाँटीमा चुप्पी प्रहार गरी गंभिर घाईते भएका थिए । घाईते शाहको सामुदायिक क्लिनिक हस्पिटल तुरतुरे तनहुँमा उपचार भई रहेको पनि सूचना अधिकारी श्रेष्ठले जानकारी दिए ।
घटना थाहा पाएको गोरखा प्रहरीले भुजेललाई २३ गते पक्राउ गरी २४ गते मंगलबार उनी विरुद्ध ज्यान मार्ने उद्योग कसूर शीर्षकमा मुद्दा दर्ता गरेको हो ।
गोरखा जिल्ला अदालतबाट अनुसन्धानका लागी म्याद थप भई आएको भुजेललाई प्रहरी हिरासतमा राखी थप अनुसन्धान सुरु गरिएको प्रहरीले जनाएको छ ।