गोरखा । जिल्ला प्रहरी कार्यालय गोरखाले सवारी ज्यान मुद्दाका १ जना फरार प्रतिवादी पक्राउ गरेको छ ।पक्राउ पर्नेमा गोरखा नगरपालिका–९ का रामकृष्ण सिर्मल भएको गोरखा प्रहरीले पुषटी गरेको हो ।
सिर्मलले कट्टेल डाँडा सडकखण्डमा २०७५ असार २ गते साँझ ६ बजे ग १ त ५१९२ नम्बरको ट्रयाक्टर दुर्घटना गराएर फरार भएका थिए । उक्त दुर्घटनामा सोही ट्रयाक्टरमा सवार सुर्खेत भेरीगंगा गाउँपालिका–६ घर भएका १९ बर्षको शुसिल मगरको ज्यान गएको थियो ।
घटना लगत्तै फरार भएका सिर्मललाई गोरखा नगरपालिका १० बाह्रकिलोबाट प्रहरीले आइतबार पक्राउ गरेको जिल्ला प्रहरी कार्यालय गोरखाका प्रहरी नायव उपरीक्षक एवं सूचना अधिकारी रमेशकुमार श्रेष्ठले जानकारी दिए।
सिर्मललाई आइतबार नै गोरखा जिल्ला अदालतमा उपस्थित गराईएकोमा अदालतको आदेशले निजलाई गोरखा कारागारका चलान गरिएको सूचनाा अधिकारी श्रेष्ठले बताए ।