फाईल तस्बिर
रौतहट । देवाही गोनाही नगरपालिका–८ पटेल चोकबाट नेपाली नक्कली नोट सहित प्रहरीले १ जनालाई पक्राउ गरेको छ । पक्राउ पर्नेमा गुजरा नगरपालिका-५ हरिहरपुर बस्ने २५ वर्षीय संदिप यादव भएको प्रहरी पुष्टी गरेको हो ।
उनको साथबाट नक्कली १ हजार दरको १ हजार ८४३ थान नोट बरामद भएको रोतहट प्रहरीले जानकारी दिएको छ । यादवलाई प्रहरीले बिहीबार साँझ पक्राउ गरेको जानकारी दिएको छ ।
ईलाका प्रहरी कार्यालय देवाही गोनाहीबाट खटिएको प्रहरीको टोलीले उनको साथबाट नक्कली नोट, विभिन्न बैंकको एटिएम कार्ड ५ थान र १६ लाख ६५ हजार रूपैयाँ उल्लेख भएको ३ थान चेकसहित पक्राउ परेका हुन ।
प्रहरीले उनका बारेमा अनुसन्धान गरिरहेको जनाएको छ ।
