गोरखा । संम्भव नेपाल नामक एक गैर सरकारी संस्थाले आज गोरखाको विभिन्न स्थानिय तहलाई ६ थान एम्बुलेन्स र स्वास्थ्य सामाग्रीहरु बितरण गरेको छ । २ करोड ८० लाख भन्दाबढीका ति सामाग्रीहरु गण्डकी प्रदेशका मुख्यमन्त्री सुरेन्द्रराज पाण्डेले हस्तान्तरण गरेका हुन् ।
सदरमुकाममा भएको हस्तान्तरण कार्यक्रममा जिल्ला भित्रका गण्डकी, आरुघाट, चुमनुब्री, अजिरकोट, सिरानचोक र बारपाक गाँउपालिकाले १–१ थान एम्बुलेन्स सहित स्वास्थ्य सामाग्री हस्तान्तरण गरिएको छ ।
यता पालुङटार नगरपालिकाले पाउने एम्बुलेन्स भने प्राविधिक समस्याका कारण बितरण हुन नसकेको संभवन नेपालका अध्यक्ष प्रेम खत्रीले जानकारी दिए । पालुङटार नगरापालिकालाई भने अहिले स्वास्थ्य सामाग्री मात्र हस्तान्रण गरिएको र केही समय भित्रै एम्बुलेन्स हस्तान्रण गरिने अध्यक्ष खत्रीले बताए ।
स्थानिय तहलाई खत्रीले यो दोस्रो चरणमा एम्बुलेन्स बितरण गरेको हो । यसभन्दा अगाडी पनि संम्भव नेपालले विभिन्न पालिकालाई एम्बुलेन्स वितरण गरेको थियो ।
उक्त संस्थाले गोरखाको धेरै जसो स्थानिय तहमा शिक्षा र स्वास्थ्य क्षेत्रमा लगानी गर्दै आएको छ । अहिले वितरण गरिएको एम्बुलेन्स ‘ख’ बर्गको हो । एम्बुलेन्स र स्वास्थ्य सामाग्री लिन पालिकाका अध्यक्ष, उपाध्यक्ष र स्वास्थ्य संस्थाका प्रमुखहरुको उपस्थिती रहेको थियो । खत्री नेपाली काँग्रेसको महासमिति सदस्य समेत हुन ।
