पोखरा । पोखरा महानगरपालिका–२६ को लेखनाथनमा भएको बस दुर्घटनामा परी १ जना फुटपाथ ब्यापारीको ज्यान गएको छ । दुर्घटनामा अन्य २ जना घाईते भएका छन् ।
शनिबार बिहान बाग्लुङबाट भैरहवाका लागि छुटेको लु १ ख ८३५६ नम्बरको बस ब्रेक फेल भएर भित्तामा ठोक्किँदा भारत घर भएकी इसरावती कुमारीको ज्यान गएको हो ।
उनको उपचारका क्रममा पोखरा स्वास्थ्य विज्ञान प्रतिष्ठान (पश्चिमाञ्चल क्षेत्रीय अस्पताल) मा ज्यान गएको कास्की प्रहरीले जानकारी दिएको छ ।
घाइतेहरु तनहुँको म्याग्दे गाउँपालिका–१ का ४६ वर्षीय रामजी गन्धर्व र पर्साकी ४६ वर्षीया चिजमायाँ गन्धर्वको लेखनाथ सिटी अस्पतालमा उपचार भइरहेको प्रहरीले जनाएको छ ।
