गोरखा । उत्तरी गोरखाको थुमीका २ बालककी आमा सम्पर्कमा आएकी छिन् । पालुङटारको माझटारमा बेवारिसे अवस्थामा उद्वार गरिएको राम र लक्ष्मण मगरलाई आमाको जिम्मा लगाईएको आश्रमकी मुना मानव सेवाले जानकारी दिइन ।
केही दिन अगाडी मात्र पालुङटार नगरपालिका–५ ठाँटीपोखरीमा उक्त बालकहरुलाई वेवारिसे अवस्थामा फेला पारी ईलाका प्रहरी कार्यालय ठाँटी पोखरी मार्फत जिल्ला प्रहरी कार्यालय गोरखाले गोरखा सदरमुकाममा रहेको आश्रमलाई बुझाइएको थियो ।
आरुघाट गाँउपालिका–४ थुमी घर भएका उनीहरु बुवाको मृत्यु पछि आमा संगै ज्यालादारी काम गर्न विभिन्न जिल्लामा समय बिताउदै आएको बालकका आमा भिमा आले मगरले बताईन । भिमा अनुसार ज्यालादारी काम गर्न विभिन्न जिल्ला चाहर्ने क्रममा पालुङटार नगरपालिका–२ को आँपपिपल क्षेत्रको लिगलिगमा काम गर्ने क्रममा दुवै बालक (१० बर्षका) बेपत्ता भएका थिए । जमल्याह राम र लक्ष्मण बेपत्ता भए लगत्तै आमा भिमाले गोरखा र तनहुँको विभिन्न स्थानम खोजी गर्ने क्रममा समाचार मार्फत मानव सेवा आश्रम गोरखामा भएको जानकारी पाए लगत्तै प्रहरी मार्फत उनी आश्रममा सम्र्पकमा आएकी थिइन ।
भिमामा श्रीमान बिरामी परेपछी उपचारमा सबै सम्पत्ती सकिएको श्रीमानको मृत्यु पछि उनी तनहुँको बन्दिपुर गाँउपालिका–२ को रिपमा रहेको आफ्नो माईती घरमा बस्दै आएको पनि आश्रमले जानकारी दिएको छ । बालकका आमा सम्र्पक आए लगत्तै आश्रमले नेपाल प्रहरीको रोहबरमा बालकलाई पारिवारीक पुनःमिलन गराई आमाको जिम्मेवारीमा पठाएको पनि मुना मानव सेवाले जानकारी दिईन ।
बालकको २ जना दिदी मध्ये १ जना नेपाली सेनामा कार्यरत रहेको र अर्का १ जनाको मामा घरमा बसेर अध्ययन गरी रहेको पनि मुना मानव सेवाले जानकारी दिईन ।