गोरखा । प्रधानमन्त्री पुष्पकमल दाहाल ‘प्रचण्ड’ले हजारौं गोरर्खाली जनताले रोजगारी पाउने गरी गोरखामा नै ‘एग्रिकल्चर एण्ड टेक्निकल पार्क’ बनाउने घोषणा गरेका छन् । उनले यो सम्वन्धी चिन संग सहमती पत्रमा हस्ताक्षर भई सकेको भन्दै यो गोरर्खाली जनताको लागी उपहार हुने बताए ।
नेपाल कम्युनिष्ट पार्टी (माओवादी केन्द्र) ले सञ्चालन गरिरहेको माओवादी विशेष रुपान्तरण अभियान अन्तरर्गत बारपाक सुलिकोट गाउँपालिका–८ को वडापार्टीको वैठकमा सहभागी प्रधानमन्त्री प्रचण्ड गोरखाको ताकुकोट आएका हुन् । उनले सर्व साधारणलाई संबोधन गर्दै आफुहरुले निर्वाचनका बेला गरेको बाचा नर्बिसेको भन्दै कृषिको बिकासका निम्ती र टेक्निकल सर्पोट सहित हजारौंले रोजगारी पाउने खालको पार्क निर्माण हुने बताए ।
प्रधानमन्त्री प्रचण्डले केही समय अगाडी अमेरीकाबाट फर्केर चिन भ्रमण गरेका बेला पार्क निर्माण सम्वन्धी सम्झौता भएको खुलासा गर्दै अबको १ महिना भित्रै चिनबाट बिज्ञ सहितको टोली गोरखा आउने बताए । उनले पार्क निर्माण पछी गोरर्खाल जनताको रोजगारी र आर्थिक बिकास तथा समृद्वीका निम्ती पनि महात्वपूर्ण भूमिका खेल्ने भन्दै यसले आफुलाई यहाँको जनप्रतिनिधी भएकोमा पनि सन्तोष हुने बताए ।
संबोधनका क्रममा प्रधानमन्त्री प्रचण्डले बुढी गण्डकी परियोजनालाई आर्थिक अभाव नहुने गरी बजेट विनियोजन भएकाले केही समय भित्रै त्यसको शिलान्यास हुने र गोरखकाली रबर उद्योग पिपिपी मोडलमा सञ्चालन गर्ने गरी गृह कार्य भईरहेको पनि बताए ।
त्यस बाहेक पनि उनले गोरखा जिल्लाको बिकासका लागि तत्कालै आँपपिपल अस्पताललाई ५० शैयाको स्विकृती दिने र स्वास्थ्य कर्मीको ब्यवस्था गर्न आफु राजधानी फर्किए लगत्तै स्वास्थ्य मन्त्रालय संग संबाद थाल्ने, बारपाक सुलिकोट गाँउपालिकाको हुडीखोलामा सञ्चालनमा आएको बारपाक बहु प्राविधिक शिक्षालयमा अध्ययनरत बिद्यार्थीहरुको लागी छात्राबार निर्माण गर्ने, ध्याम्पेशाल–ताकुकोट–सौरपानी सडकका लागि ५ करोड बिनियोजन, ढोडेनी–सौरपानी–भण्डारीगाँउ सडक, आरुपोखरी–देउराली–ताकुकोट–चनौटे–जौबारी सडकलाई स्रोत सुनिश्चित गरी बहुबर्षिय योजनामा लगिएको जानकारी दिए ।
कार्यक्रममा गण्डकी प्रदेशका मुख्यमन्त्री सुरेन्द्रराज पाण्डे, गण्डकी प्रदेशकी सामाजिक विकास तथा स्वास्थ्य मन्त्रालयका मन्त्री सुशिला सिंखडाको समेत उपस्थिती रहेको थियो ।