गोरखा । गोरखा जिल्ला स्तरीय ११औं राष्ट्रपति रनिङशिल्ड प्रतियोगिता २०८० आजदेखि सुरु भएको छ ।सदरमुकाम स्थित रङगशाला खेलकुद मैदानमा प्रतियोगिता सुरु भएको हो ।
प्रतियोगिताको गण्डकी प्रदेशकी सामाजिक विकास मन्त्री सुशिला सिंखडाले एक कार्यक्रमका बिच उद्घाटन गरिन । उद्घाटन कार्यक्रममा बोल्नुहुँदै मन्त्री सिंखडाले खेलाडीहरुको भविस्यका लागि गण्डकी प्रदेश सरकार गम्भीर रहेको बताइन । उनले खेलाडीको क्षमता अभिबृद्धी र सहयोगका लागि प्रदेश सरकारले आवश्यक योजना बनाएर काम गरिरहेको समेत उल्लेख गरिन ।
मन्त्री सिंखडाले खेलमा सहभागी भएपछि हारजीत स्वाभाविक भएको भन्दै हारलाई पनी अर्को पटकको जीतको आधारको रुपमा लिन पर्ने सुझाव दिए ।
कार्यक्रममा गण्डकी प्रदेश खेलकुद परिषद्का सदस्य सचिव श्रीधर शर्माले गण्डकी प्रदेश सरकारले खेलाडी र प्रशिक्षकहरुको सम्मानका लागि तक्मा डिजाइन गरिरहेको बताए । उन्ले खेलाडीको भविस्य र सम्मानका लागि प्रदेश खेलकुद परिषदर दत्तचित्त भएर लागेको समेत उल्लेख गरे ।
राष्ट्रनिर्माणका लागि शारिरिक तन्दुरुस्तीका साथै मानसिक रुपमा समेत सक्षम खेलाडी उत्पादनमा प्रदेश सरकार लागि परेको बताए ।
गोरखा नगरपालिका गोरखाका नगरप्रमुख कृष्णबहादुर रानामगरले खेलमा अनुशासित ढंगबाट सौर्हादपूर्णबाट सम्पन्न गर्नुपर्नेमा जोडदिए । उनले आयोजक, प्रतिस्पर्धी लगायतको सवैको सहकार्यले मात्र भव्य रुपमा सम्पन्न हुने विश्वास व्यक्त गरे ।
प्रतियोगितामा करिब जिल्लाभरबाट करिब ८५० जना खेलाडीहरुको सहभागिता रहेको जिल्ला खेलकुद विकास समितिका अध्यक्ष शान्तासिंह बस्नेत जानकारी दिए । प्रतियोगिता अन्तरर्गत एथ्लेटिक्स तर्फ पहिलो दिन २०० मिटर, ४०० र ३ हजार मिटरको छात्रछात्राको दौड प्रतियोगिता सञ्चालन भइरहेको छ ।
त्यस्तैगरी, छात्रा, छात्र सटपुट तथा लम्पजम्प प्रतियोगिता सञ्चालन हुने छ । प्रतियोगिता अन्तरगतको दोस्रो दिन शनिवार १०० मिटर, ८०० मिटर र ४०० मिटरको छात्रछात्र रिले दौड प्रतियोगिता हुनेछ । त्यस्तै सोही दिन छात्रछात्र ज्यावलिन थ्रो र त्रिपलजम्प प्रतियोगिता हुने आयोजकले जनाएको छ ।
प्रतियोगिताको अन्तिमदिन आइतवार १ हजार ५०० मिटर दौड प्रतियोगिता, ४०० मिटर दौड प्रतियोगिता छात्रछात्रा दौड प्रतियोगिता हुनेछ भने सोह दिन छात्रछात्र बिच हाइजम्प प्रतियोगिता हुने अध्यक्ष बस्नेतले जानकारी दिए ।
प्रतियोगितामा छात्रा छात्र भलिवल प्रतियोगिता समेत सञ्चालन भइरहेको छ ।