काठमाडौं । काठमाडौंमा जारी नेपाल सुपर लिग (एनएसएल) फुटबलमा आज धनगढी एफसी र काठमाडौ रेजर्सबीच प्रतिस्पर्धा हुने भएको छ ।
साँझ ६ बजे खेलाइने खेल दशरथ रंगशालामा हुनेछ । धनगढी आजको खेल जित्दै शीर्षस्थानमा ३ अंकको अग्रता बनाउने प्रयासमा रहँदा काठमाडौं पनि शीर्षस्थानको धनगढीसँग अंक बराबरी गर्ने योजनामा हुनेछ ।
अहिलेसम्मका खेलमा धनगढी अपराजित रहेको छ । धनगढीले खेलेका ५ खेलमा ३ मा जित र २ मा बराबरी गर्दै ११ अंक जोडेको छ ।
यस्तै, २ मा जित, २ मा बराबरी र १ मा हार बेहोरेको काठमाडौं ८ अंकसहित चौथो स्थानमा छ ।