गोरखाको लापुबेशीमा रहेको प्रभात किरण मावि र ईन्सेटमा भलिवल खेल्दै बिद्यार्थीहरु
गोरखा । विगत ३ दिनदेखी धार्चेको माछाखोलामा जारी राष्ट्रपती रनिङ शिल्ड प्रतियोगिताको उपाधी प्रभात किरण माध्यामिक बिद्यालयले हात पारेको छ । ७ स्वर्ण सहित कुल १२ पटक हातपारेर प्रभात किरणले रनिङ शिल्डको उपाधी हात पारेको हो ।
धार्चे गाँउपालिका–५ को माछाखोलामा गएको मंसिर २८ गतेदेखी जारी रहेको प्रतियोगिता ३० गते साँझ सम्पन्न भएको खेलमा बिद्यालयले ७ स्वर्ण, ३ रजत र २ कास्य गरी १२ पदक हात पारेको गाँउपालिका शिक्षा शाखाले जानकारी दिएको छ ।
त्यस्तैगरी, उपबिजेता भएको केरौजा माध्यामिक बिद्यालयले भने ६ स्वर्ण, ४ रजत र ३ कास्य गरी १३ पदक हात पारेको छ । तेस्रो स्थानमा हरेको मणिकाम देवी माध्यामिक बिद्यालयले भने ४ स्वर्ण, ४ रजत र २ कास्य गरी १० पदक हात पारेको शिक्षा शाखाले जानकारी दिएको छ ।
प्रतियोगितामा उपाधाी हात पार्ने प्रभात किरण मालिे शिल्ड, ट्रफि, मेडल र प्रमाणपत्र पाएको छ भने उपबिजेता बिद्यालयलाई ट्रफि, मेडल र प्रमाण पत्र प्रदान गरिएको गाउँपालिकाका उपप्रमुख सुनिला गुरुङले जानकारी दिइन ।
प्रतियोगितामा पालिका भित्रका ९ वटा माध्यामिक बिद्यालयका ३०० जनाभन्दा बढी बिद्यार्थीहरुको सहभागिता रहेको पालिकाले जनाउको छ ।