काठमाडौं । नेपाल सुपर लिग (एनएसएल) मा आज एफसी चितवन र धनगढी एफसीबीच खेल हुँदैछ ।
त्रिपुरेश्वस्थित दशरथ रंगशालमा साँझ ५ बजे सुरु हुने खेलमा अपराजित टोली धनगढीलाई आजको खेल जित्दै शीर्ष स्थानमा उक्लने अवसर पनि छ ।
धनगढीले हालसम्म चार खेल खेल्दा २ जित र २ बराबरी गरेको छ । धनगढी ८ अंकसहित अंक तालिकाको दोस्रो स्थानमा छ । आज चितवनसँग जित हात पारे धनगढीले शीर्ष ४ मा रहेर प्लेअफ पुग्ने सम्भावना बलियो बनाउनेछ ।
५ खेलबाट ५ अंक बटुलेको चितवन बटम हाफमा छ । ५ खेलमा चितवनले २ खेल बराबरी, २ खेलमा पराजय तथा १ खेल मात्र जितेको थियो ।
जारी एनएसएलमा ललितपुर सिटी एफसी ५ खेलबाट ९ अंकसहित अंक तालिकाको शीर्ष स्थानमा छ ।