काठमाडौं । गेटवे एकेडेमी १६औँ फेका कप अन्तरविद्यालय छात्र फुटबल प्रतियोगिताको सेमिफाइनलमा प्रवेश गरेको छ ।
स्वच्छ शैक्षिक प्रतिस्पर्धीहरुको संगठन (फेका) द्वारा आयोजित प्रतियोगितामा मंगलबार हाइल्यान्डलाई १-० गोलले पराजित गर्दै गेटवे एकेडेमी सेमिफाइनलमा पुगेको हो ।
गेटवेका लागि लक्ष्मण उप्रेतीले गरेको एकमात्र गोल निर्णायक बन्न पुग्यो । गेटवेका प्रदीप खत्री ‘म्यान अफ द म्याच’ घोषित भए । मूलपानीमा जारी प्रतियोगितामा अक्षरिका र एकलब्य शिक्षा सदन यसअघि नै क्वाटरफाइनलमा पुगिसकेका छन् ।
अक्षरिकाले विद्या विकास स्कुललाई २-१ गोलले हराएको हो । अक्षरिकाका जेनिश तामाङले १ गोल गरे भने अर्को गोल आत्माघाती थियो । विद्या विकासका अरुण मगरले १ गोल फर्काए । अक्षरिकाका आयुश कार्की ‘म्यान अफ द म्याच’ चुनिए ।
त्यसैगरि, एकलब्यले गोल्डेन वडमाथि ५-० को सहज जित दर्ता गर्याे । एकलब्यका प्रवेश खड्काले ह्याट्रिक गरे भने विशेष खड्का र निरज कोइरालाले समान १-१ गोल थपे ।
बिहीबारदेखि जारी प्रतिस्पर्धा पुष १ गतेसम्म सञ्चालन हुने छ ।