गोरखा । गाँउघरमा होहल्ला तथा स्थानियलाई गालीगलौज गरेको आरोपमा गोरखा प्रहरीले गोरखा र लमजुङका २ जना युवकलाई पक्राउ गरेको छ ।
पक्राउ पर्नेमा गोरखा जिल्ला अजिरकोट गाँउपालिका–३ हंशपुर, भच्चेक बजार बस्ने २२ बर्षका मिलन श्रेष्ठ र लमजुङ घरभई भच्चेक बजार बस्दै आएका २१ बर्षका मनोज गुरुङलाई पक्राउ गरेको जिल्ला प्रहरी कार्यालय गोरखका प्रहरी निरिक्षक एवं सूचना अधिकारी रबिन्द्र अधिकारीले जानकारी दिए ।
उनका अनुसार पक्राउ परेका युवकहरुले मंसिर २५ गते सोमबारका दिन बिहान ९ः३० बजेको समयमा अजिरकोट गाँउपालिका–५ मुच्चोकको मादले भन्ने स्थानमा मादक पदार्थ सेवन गरी स्थानिय २० बर्षका मनु गुरुङ र ३२ बर्षका कुशम गुरुङ गालीगलौज गनुका साथै हातपात गरी लछारपछार गरेको भन्दै पक्राउ गरीएको हो ।
पक्राउ परेका युवकहरुलाई पिडितलाई लछारपछार गर्दा घाईते भएको भन्दै पिडितले उजुरी दर्ता गराए लगत्तै सोमबार नै पक्राउ गरीएको उनले जानकारी दिए ।
आरोपित मिलन र मनोजलाई मंगलबार अभद्र ब्यवहार कसूर शिर्षकमा मुद्वा दर्ता गरी जिल्ला प्रशासनबाट म्याद थप गरी प्रहरीको हिरासतमा राखेर अनुसन्धान थालिएको जिल्ला प्रहरी कार्यालय गोरखाले जानकारी दिएको छ ।