काठमाडौं । चीनको बेइजिङमा आइतबार साँझदेखि परेको हिमपातका कारण सडक, रेल र हवाई यातायात अवरुद्ध भएको छ ।
आइतवार साँझ ७ बजेदेखि सोमवार बिहान ८ बजेसम्म बेइजिङमा औसत ५ दशमलव ८ मिलिमिटर हिमवर्षा भएको छ ।
बेइजिङ मौसम विज्ञान सेवाले उपलब्ध गराएको तथ्यांक अनुसार सबैभन्दा ठूलो वर्षा फाङ्सान जिल्लामा १०.२ मिलिमिटर पुगेको थियो ।
सोमबार बिहान ७ बजेसम्म बेइजिङका १८० भन्दा बढी बसका रुटहरू बन्द भएका थिए । सहरकाे हिउँ सफा गर्न करिब ६३ हजार कामदारको व्यवस्था गरेको छ र हिउँ हटाउने र सडकको बरफ हटाउन ६ हजार ६०० भन्दा बढी सवारी साधन र अन्य उपकरण प्रयाेगमा ल्याइएकाे जनाएको छ ।
