साँकेतिक तस्बिर
सल्यान । आफ्नै श्रीमती हत्या गरेको आरोपमा प्रहरीले कुमाख गाउँपालिकाबाट १ जना पुरुषलाई पक्राउ गरेको छ । पक्राउ पर्नेमा कुमाख गाउँपालिका–३ माथिल्लो उचाल्ने बस्ने ४५ वर्षीय डम्मर सार्की भएको प्रहरीले पुष्टी गरेको हो ।
पक्राउ परेको डम्मरले आफ्नै ४० वर्षीया श्रीमती सितला सार्कीको बन्चरो प्रहार गरी हत्या गरेको सल्यान प्रहरीले जनाएको छ ।
डम्मरले बन्चरो प्रहार गर्दा सितलाको घटनास्थलमै ज्यान गएको थियो । घटना लगत्तै जिल्ला प्रहरी कार्यालय सल्यान र प्रहरी चौकी ढोरचौरबाट खटिएको प्रहरीको टोलीले उनलाई पक्राउ गरेको थियो ।
घटनाका सम्बन्धमा प्रहरीले आवश्यक अनुसन्धान गरिरहेको जनाएको छ ।