गोरखा । सिरानचोक गाउँपालिका स्तरीय चौथो राष्ट्रपती रनिङ शिल्ड प्रतियोगिता भोलीदेखि सुरु हुदै छ । गाउँपालिकाको वडा नम्बर ७ को बडारे खेल मैदानमा हुने प्रतियोगिताको सम्पूर्ण तयारी पुरा भएको पालिकाले जानकारी दिएको छ ।
मंगलबार हुने प्रतियोगिताको गण्डकी प्रदेका मुख्यमन्त्री सुरेन्द्र पाण्डेले उद्घाटन गर्ने गाउपालिका सामाजिक विकास समितिका संयोजक तथा वडा न ३ का वडा अध्यक्ष जगदश्विर ढकालले बताए ।
प्रतियोगितामा गाउँपालिका भित्रका १६ वटा सामुदायिक विद्यालयका करिव ४०० जना विद्यार्थीहरु सहभागी हुने गाउँपालिका शिक्षा युवा तथा खेलकुद शाखा प्रमुख मोतीमायाँ ढकालले जानकारी दिइन ।
प्रतियोगितामा धेरै सहभागी हुने विद्यालयबाट ३२ जना र थोरै सहभागी हुने विद्यालयबाट १६ जना प्रतियोगी विद्याथहिरु सहभागी हुनेछन् । मंसिर १९ गतेबाट सुरु हुने प्रतियोगिता २१ गतेसम्म सञ्चालनमा आउने छ ।
प्रतियोगितामा विभिन्न खेलमा १५ खेलमा प्रतियोगीहरु बिच प्रतिस्पर्धा हुनेछ । सोमबार बेलुकीसम्ममा सबै खेलाडीहरु सम्बन्धित खेल मैदानमा पुगी सक्नेपनि गाउँपालिका प्रचार प्रसार उप समितिका संयोजक भरत हमालले जानकारी दिए ।
आज नै खेलको टाइसिट सम्बन्धित विद्यालयका शिक्षक र खेलाडी विद्यार्थीहरुलाई वितरण गरिने अध्यक्ष हमालले बताए । खेलमा उत्कृष्ठ खेलाडीले ट्रफी मेडल र प्रमाण पत्र पाउने गाउँपालिकाले जनाएको छ ।