काठमाडौं । स्पेनिस ला लिगमा रियल मड्रिड शीर्ष स्थानमा उक्लिएको छ । शनिबार राति भएको खेलमा ग्रानडालाई २-० गोल अन्तरले पराजित गर्दै शीर्ष स्थानमा उक्लिएको हो ।
रियल र जियोनाको समान ३८ अंक भएको छ । गोल अन्तरका आधारमा रियल शीर्ष स्थानमा रहेको छ । रियलसँग पराजित भएको ग्रानडा भने पुछारबाट दोस्रो स्थानमा छ ।
ब्रहिम रियाजले २६ औं मिनेटमा गोल गर्दै अग्रता दिलाएका थिए । उनले टोनी क्रुसको पासमा गोल गरेका थिए । ५७ औं मिनेटमा रोड्रिगोले गोल गर्दै अग्रता दोब्बर बनाए त्यसले जित पक्का गर्यो ।
ला लिगाको अर्को खेलमा जिरोनाले भ्यालेन्सियालाई २-१ गोल अन्तरले पराजित गरेको छ । यसैगरी बिलबाओले भालोकानेलाई ४-० गोल अन्तरले पराजित गर्दै ओसासुना र रियल सोसिडाडले भने १-१ गोलको बराबरी खेलेका छन् ।