गोरखा । प्रचार प्रसार संगै गोरखा सदरमुकाममा रहेको गोरखा संग्रालय अबलोन गर्नेहरुको भिड लाग्ने गरेको छ । गएको ४ महिनामा मात्रै संग्रालयको ३० हजारभन्दा स्वदेशी तथा विदेशीहरुले अबलोकन गरेको गोरखा संग्रालयका प्रमुख नवराज अधिकारीले जानकारी दिए ।
संग्रालय भित्र तात्कालिन अवस्थाको गोरखा र नेपाल झल्कीने खालका ऐतिहासिक, पुरातात्विक र कला संस्कृती झल्कने खासको बस्तुहरु राखिएका कारण पनि संग्रालय अबलोकन गर्नेहरुको संख्यामा पछिल्लो समय उल्लेखनीय रुपमा बृद्वि भएको प्रमुख अधिकारीले बताए । ‘संग्रालय भित्र तात्कालिन गोरखा राज्य र पृथ्वीनारायण शाह संग सम्बन्धीत बस्तुहरु राखिएको छ’ उनले भने ‘गोरखा राज्य र पृथ्वीनारायण शाहका बिषयमा बुझनका लागि पनि संग्रालय अबलोकन गर्नेहरको संख्यामा बृद्विभएको हो ।’
कार्यालयले उपलब्ध गराएको तथ्यांक अनुसार यो आर्थिक बर्षको साउनदेखी कार्तिक मसान्तसम्ममा ३० हजार ७८७ जनाले संग्रालयको अबलोकन गरेको देखिन्छ । जस अनुसार साउनमा ६ हजार २४९, भाद्रमा ४ हजार ८४९, असोजमा ५ हजार ३०९ जना र कार्तिकमा १४ हजार ३८० जनाले संग्रालयको अबलोकन गरेको छ ।
सिजन अनुसार अहिले बिद्यार्थीहरुको शैक्षिक भ्रमण भएका कारणले पनि कार्तिकदेखी अबलोकन गर्नेहरको संख्यामा ह्रवात्तै बृद्वि भएको प्रमुख अधिकारीले बताए । ‘बिद्यार्थीहरुको शैक्षिक भ्रमणका कारण पनि अहिले धेरै भएको हो’ उनले भने ‘बिद्यार्थीहरुको रोजाईमा गोरखा परेको र संग्रालय बजार बिचमा भएका कारण पनि अबलोकन गर्नेहरु बढेको हो ।’
संग्रालय भित्र विभिन्न जातजाती झल्कने डमी, पुराना बाजाहरु, तात्कालिन गोरखा राज्यका समयमा प्रचलनमा रहेका सिक्का तथा पृथ्वीनारायण शाहको ५२ हात लामो चिना एवं त्यस बेला लडाइमा प्रयोग गरिने हतियार र साँकेतिक राजगद्वी राखिएको छ ।
अबलोकन कर्ताहरुको आँखामा भने तात्कालिन गोरखा राज्य र त्यसको ईतिहास तथा सेनाले प्रयोग गरेको हतियारमा पर्ने गरेको पनि प्रमुख अधिकारीले जानकारी दिए ।
संग्रालय अबलोकन गर्न आउने चाप बढेसंगै गत बर्षदेखी नै दशै र तिहारको बिदा बाहेक अन्य दिनमा खुल्ला गर्ने गरिएको छ । संग्रालय प्रशासनले दिएको जानकारी अनुसार यस बर्षको दशै र तिहारमा ३–३ दिन मात्र बन्द गरेर अन्य दिन सेवा दिइएको थियो ।
यो आर्थिक बर्षको कार्तिक मसान्तसम्म ८ हजार १८० जना बिद्यार्थी,, २२ हजार १०६ जना नेपाली, सार्क राष्ट्रका ४८ जना र ४५३ जना विदेशीले संग्रालयको अबलोकन गरीसकेको छ ।
मंसिर महिना बिद्यार्थीहरुको सिजन भएका कारण यो महिना संग्रालय अबलोकन गर्नेहरुको संख्या २० हजार माथी नाग्ने अनुमान रहेको प्रमुख अधिकारीले जानकारी दिए ।