काठमाडौं । अस्ट्रेलिया विरुद्धको टी-२० क्रिकेट सिरिज भारतले १ खेल अगावै जितेको छ । चौथो टी-२० मा अष्ट्रेलियालाई २० रनले पराजित गर्दै भारतले ५ खेलको टी-२० सिरिजमा ३-१ को अग्रता लिएको हो ।
रायपुरको शहीद वीरनारायण सिंह अन्तर्राष्ट्रिय रंगशालामा अष्ट्रेलियाले टस जितेर पहिले बलिङ गर्ने निर्णय गरेको थियाे । पहिले ब्याटिङ गरेको भारतले १७४ रन बनाएको थियो । जवाफमा कङ्गारु टोली १५४ रनमा समेटिएको थियो र खेलसँगै शृङ्खला पनि गुमायो ।
भारतले अस्ट्रेलियालाई २० रनले पराजित गरेको छ । यो जितसँगै भारतले सिरिज पनि जितेको छ । ५ खेलको टी-२० सिरिजमा भारतले ३-१ को अग्रता लिएको छ । सिरिजको पाँचौं र अन्तिम खेल ३ डिसेम्बरमा बैंगलोरको एम चिन्नास्वामी स्टेडियममा हुनेछ ।
यस खेलमा अष्ट्रेलियाले टस जितेर पहिले बलिङ गर्ने निर्णय गरेको थियो र पहिले ब्याटिङ गरेको भारतले निर्धारित २० ओभरमा ९ विकेट गुमाएर १७४ रन बनाएको थियो । जवाफमा अष्ट्रेलियाले ७ विकेट गुमाएर १५४ रन मात्र बनाउन सके र खेल २० रनले पराजित भयो ।
भारतका लागि रिंकु सिंहले सर्वाधिक ४६ रन बनाए । यशस्वी जैसवालले ३७ र जितेश शर्माले ३५ र रुतुराज गायकवाड ३२ रन रनको योगदान दिए । अष्ट्रेलियाका लागि बेन डावरिसले ३ तथा तनवीर संघा र जेसन बेहरेनडर्फले २-२ विकेट लिए । एरोन हार्डीले १ विकेट लिए ।
यस खेलमा टीम इन्डियाले अन्तिम २ ओभरमा १३ रन मात्र बनाउन सक्यो । त्यतिबेला ५ विकेट गुमाएको थियो । जसका कारण भारतको स्कोर २०० रनको नजिक पुग्न सकेन ।
अष्ट्रेलियाका लागि कप्तान म्याथ्यु वेडले सर्वाधिक अविजित ३६ रन बनाए । ट्राभिस हेडले ३१ र म्याथ्यु सर्टले २२ रनको योगदान दिए । बेन म्याकडर्मोट र टिम डेभिडले समान १९-१९ रनको योगदान दिए ।
भारतको जितमा स्पिन बलरको सबैभन्दा धेरै योगदान थियो । अस्ट्रेलियाको पहिलो ४ विकेट भारतीय स्पिनरले लिएका थिए । अक्षर पटेलले ३ र दीपक चाहरले २ विकेट लिए । रवि बिश्नोई र आवेश खानले १-१ विकेट लिए ।