काठमाडौं । नेपाल सुपर लिग (एनएसएल) को दोस्रो संस्करण अन्र्तगत आज हुने १ मात्र खेलमा विरगंज युनाइटेड एफसी र एफसी चितवनबीच प्रतिस्पर्धा हुने भएको छ । दुवै टिम पहिलो जितको खोजीमा मैदान उँत्रिदै छन् ।
वीरगन्ज यसअघि पहिलो खेलमा धनगढी एफसीसँग २-१ ले पराजित भएको थियो । चितवनको यो प्रतियोगितामा तेस्रो खेल हो । चितवनले पहिलो खेलमा धनगढी एफसीसँग १-० को हार बेहोरेको थियो । दोस्रो खेलमा भने काठमाडौं रेजर्ससँग चितवनले १-१ को बराबरी खेल्दै अंक बाँडेको थियो ।
२ खेलबाट १ अंक जोडेको चितवन तालिकाको छैटौं स्थानमा छ । अंकविहीन वीरगन्ज भने तालिकाको पुछारमा छ । लगातार दोस्रो जित निकालेको धनगढी एफसी तालिकाको शीर्ष स्थानमा रहेको छ ।
त्रिपुरेश्वरस्थित दशरथ रंगशालामा हुने यी दुई टोलीबीचको खेल साँझ ५ः३० बजेदेखि सुरु हुनेछ । मंसिर ८ गतेदेखि सुरु भएको प्रतियोगितामा ९ टिमको सहभागिता रहेको छ ।