काठमाडौं । नेपाल सुपर लिग (एनएसएल) फुटबल अन्तर्गत आज धनगढी एफसी र बुटवल लुम्बिनीबीच प्रतिस्पर्धा हुने भएको छ ।
यसअघि दशरथ रङ्गशालामा आइतबार साँझ भएको खेलमा धनगढी एफसीले नवप्रवेशी टोली वीरगञ्ज युनाईटेड एफसीलाई २-१ गोलले हराएको थियो ।
यस्तै, आइतबार नै भएको दोस्रो खेलमा एफसी बुटवल लुम्बिनीले पोखरा थन्डर्सलाई २-० ले पराजित गरेको थियो । बुटवल लुम्बिनीलाई विशाल श्रेष्ठले कप्तानी गरेका छन् ।
आज साँझ ५:३० बजे दुवै टोली दशरथ रंगशालामा आफ्नो जितको लक्ष्यमा प्रतिस्पर्धा गर्दैछन् । पुस १४ गतेसम्म चल्ने एनएसएलमा ९ वटा फ्रेन्चाइज टोलीको सहभागिता रहेको छ ।
आयोजकले सहभागी टोलीबीच सिंगल राउण्ड रोविनका आधारमा प्रतिस्पर्धा गराउँदै आएको छ ।