गोरखा । केही दिनअगाडी भीमसेन थापा गाउँपालिका–६ अश्राङका आगलागी भएर पिडित भएका परिवारलाई गाउँपालिका र रेडक्रसले राहात सामग्री उपलब्ध गराएको छ । राहत सामाग्रीहरु पालिकाका अध्यक्ष लोकप्रसाद बन्जराले पिडित राजेश थापामगरको घरमा पुगेर हस्तान्तरण गरेका छन् ।
अध्यक्ष बन्जाराले गाउँपालिकाको तर्फबाट लत्ता कपडा र खाद्यान्न पिडितलाई उनको घरमा नै पुगेर हस्तान्तरण गरेका थिए । त्यस्तै नेपाल रेडक्रस सोसाइटी बोर्लाङ उपशाखाले खाना पकाउने समाग्री, ओड्ने ओछ्याउने कपडा, टेण्ट लगायतका राहात समाग्री उपलब्ध गराएको छ ।
मंसिर ८ गते विहान करिब १० बजेको समयमा विद्युत सट भएर आगलागी हुँदा थापा मगरको ढुङ्गामाटोले बनेको तीनकोठे घर जलेर पूर्ण रुपमा क्षति भएको थियो ।
आगलागी भएकाे थापामगरकाे घर
आगलागीबाट पिडित थापामगरको घर भित्र रहेको अन्नपात, लत्ताकपडा, भाडाकुडा लगायत सवै जलेर नष्ट भएको थियो । आगलागीबाट १२ लाख रुपैयाको क्षति भएको प्रारम्भिक अनुमान गरिएको छ ।
पिडित परिवारलाई सोही दिन नेकपा माओवादी केन्द्रका तर्फवाट २७ हजार ५०० रुपैयाँ आर्थिक सहयोग हस्तान्तरण गरिएको छ ।
