गोरखा । गोरखाको गाँखुमा रहेको एक क्रसर उद्योगबाट सामान चोरी गरेको आरोपमा लमजुङका १ जना युवकलाई प्रहरीले पक्राउ गरेको छ । पक्राउ पर्नेमा लमजुङ दुधपोखरी गाउँपालिका–१ माझबारी घर भएका २४ बर्षिय रमेश भट्टराई भएको जिल्ला प्रहरी कार्यालय गोरखाका प्रहरी नायव उपरिक्षक एवं सूचना अधिकारी रमेशकुमार श्रेष्ठले जानकारी दिए ।
सूचना अधिकारी श्रेष्ठका अनुसार सिराचोक गाउँपालिका–६ को गाँखमा रहेको दरौदी क्रसर उद्योगबाट चोरी भएको सामान सहित गोरखा नगरपालिका–१३ बाट पक्राउ गरिएको हो । भट्टराईले चोरी गरी लुकाइराखेको अवस्थामा क्रसर मेशिनको प्राईमरी पिन २ थान सहित प्रहरीले पक्राउ गरेको जनाएको छ ।
मंसिर २ गते शनिबार राती १०ः४० बजेको समयमा भट्टराईले क्रसरबाट सामान चोरी गरेको पनि प्रहरीले जानकारी दिएको छ । सामान सहित मंसिर ५ गते मंगलबार पक्राउ परेका उनलाई ६ गते बिहीबार चोरी कसूर शिर्षकमा मुद्वा दर्ता गरी गोरखा जिल्ला अदालतबाट म्याद थप गरिएको छ ।
आरोपित भट्टराईले प्रहरीले हिरासतमा राखेर थप अनुसन्धान सुरु गरेको सूचना अधिकारी श्रेष्ठले जानकारी दिएको छ ।