साँकेतिक तस्बिर
गोरखा । गोरखाको अवुवा क्षेत्रमा रहेको एक होटलबाट आज बिहान मोटरसाइकल चोरी भएको छ । गोरखा नगरपालिका–१३ को अबुवमा रहेको दरौदी रिर्भर रिर्सोटबाट पल्सर मोटरसाइकल चोरी भएको जिल्ला प्रहरी कार्यालय गोरखाका प्रहरी नायव उपरिक्षक एवं सूचना अधिकारी रमेशकुमार श्रेष्ठले जानकारी दिए ।
रिर्सोट सञ्चालक समेत रहेका रमेश लामिछानेको १५० सिसीको कालो रातो रंगको पल्सर मोटरसाइलक बिहान चोरी भएको थियो । सञ्चालन लामिछानेका अनुसार हिजो राती ९ बजे होटल क्षेत्रभित्र पार्किङ गरेर राखेको उक्त मोटरसाइकल बिहान ५ बजे उठेर हेर्दा चोरी भएको थाहा पाएका थिए ।
चाेरी भएकाे माेटरसाइकलका साथमा सञ्चालक लामिछाने
बागमती प्रदेश ०२–०९ प ४५३० नम्बरको उक्त मोटरसाइकल शनिबार राती ९ बजे तिर पार्किङ गरेर रिर्सोट सञ्चालक लामिछाने सुत्न कोठामा गएका थिए । बिहान पख हेर्दा पाकिङ गरेको स्थानमा हेर्दा नदेखे पछि खोजबिन गर्दा चोरी भएको पत्ता लागेको हो ।
मोटरसाइकल चोरी भएको बिषयमा मौखिक जानकारी प्राप्त भएको सूचना अधिकारी श्रेष्ठले जानकारी दिए । जानकारी पाए लगत्तै जिल्ला भरीका सबै प्रहरी युनिटलाई जानकारी गराएको र खोजबिन भई रहेको पनि उनले बताए ।
यो आर्थिक बर्षको साउन १ गतेदेखी मंसिर ३ गते बिहानसम्म गोरखा नगरपालिका क्षेत्रबाट मात्रै विभिन्न कम्पनीका ८ वटा मोटरसाइकल चोरी भएको प्रहरीले जानकारी दिएको छ । तर चोरी भएका कुनै पनि मोटरसाइकल आजसम्म फेला पार्न प्रहरी सफल भएका छैनन् ।
