साँकेतिक तस्बिर
अछाम । जिल्लाको लाछिमनामा आफ्नै श्रीमतीको हत्या गरेको आरोपमा प्रहरीले उनका श्रीमानलाई पक्राउ गरेको छ । पक्राउ पर्नेमा मङ्गलसेन नगपालिका–३ लाछिमनाका शेरबहादुर भण्डारी भएको प्रहरीले पुष्टी गरेको हो ।
पक्राउ परेका शेरबहादुरले आफ्नो ४० वर्षीया श्रीमती उर्मिला बिष्ट भण्डारीको हत्या गरेको आरोपमा प्रहरीले पक्राउ गरेको जिल्ला प्रहरी कार्यालय अछामका प्रहरी नायब उपरीक्षक सन्तोष पाठकले बताए ।
उर्मिलाका माइती पक्षले बुधबार शेरबहादुरको नाममा किटानी जाहेरी दिएकाले उनलाई पक्राउ गरिएको उनले बताए । मृतक उर्मिलाको टाउको र शरीरका अन्य भागमा चोटपटक लागेको देखिए पछी माइती पक्षले उर्मिलाको श्रीमान बिरुद्ध किटानी जाहेरी दिएका थिए ।
प्रहरीको प्रारम्भिक अनुसन्धानमा पनि कुटपिटबाट मृत्यु भएको देखिए प्रनाउ पाठकले बताए । उनले शव परीक्षणको प्रतिवेदन आएपछि थप अनुसन्धान गर्न सहज हुने भन्दै अनुसन्धान जारी राखिएको छ ।
हत्या आरोपमा पक्राउ परेका शेरबहादुर नेपाल प्रहरीको जागिरबाट अवकाश प्राप्त ब्यत्ती हुन् ।
