साँकेतिक तस्बिर
गोरखा । गोरखाको बाह्रकिलो–छेवेटार सडक खण्डमा आज भएको मोटरसाइकल दुर्घटनामा परी १ जना गभिर घाईते भएका छन् ।
दुर्घटनामा परी भीमसेन थापा गाउँपालिका–२ तान्द्राङका ३५ बर्षिय रामचन्द्र लामिछाने घाईते भएको जिल्ला प्रहरी कार्यालय गोरखाले जानकारी दिएको छ । उनको दाहिने खुट्टा भाँचिएको प्रहरीले जनाएको छ ।
बिहान ९ः३० बजे गोरखा नगरपालिका–१२ को बस्नेत गाउँमा उक्त दुर्घटना भएको थियो । बाह्रकिलोबाट छेवेटार तर्फ जादै गरेको बाग्मती प्रदेश ०२–०३६ प ७४३ नम्बर मोटरसाइकल र बिपरित दिशाबाट आई रहेको बाग्मती प्रदेश ०२–०२९ प ७४७० नम्बरको मोटरसाइकल एक आपसमा ठक्कर खाएको थियो ।
घाईतेको गोरखा अस्पतालमा सामान्य उपचार पछी राजधानीको ट्रमा सेन्टर रिफर गरिएको छ । उनी अहिले घाईते लामिछाने अहिले ट्रमा सेन्टरमा उपचार भइरहेको प्रहरीले जानकारी दिएको छ ।
दुर्घटनामा संलग्न ७४३ नम्बरको मोटरसाइकल र त्यसका चालकलाइ प्रहरीले नियन्त्रणमा लिएको छ ।
घाईते भएका लामिछाने टिका लगाउन लागि तनहुँको सत्रसय तर्फ जादै गरेको र उनी तान्द्राङको सिद्धकालि माविका शिक्षक भएको बुझन आएको छ ।
