गोरखा । गोरखाको ११ ्रकिलो क्षेत्रमा सवारी दुर्घटना भएको छ । दुर्घटनामा परी मोटरसाइकलमा सवार २ जना ब्यक्ति गंभिर घाइते भएको जिल्ला प्रहरी कार्यालय गोरखाले जानकारी दिएको छ ।
आँबुखैरेनीबाट गोरखाबजार तर्फ आउदै गरेको ग. १ ख ३६८७ नम्बरको बस र विपरीत दिशाबाट जादै गरेको बाग्मती प्रदेश ०२–०२९ प २७८० नम्बरको मोटरसाइकल ठोकिएको हो । उक्त दुर्घटनामा परी मोटरसाइकल चालक शहिद लखन गाउँपालिका–६ घैरुङका ३७ बर्षिय कल्याण श्रेष्ठ र सोही मोटरसाइकलमा सवार पालुङटार नगरपालिका–९ मिरकोटकी २३ बर्षिया रिता कुमाल गंभिर घाईते भएको जिल्ला प्रहरी कार्यालय गोरखाले जानकारी दिएको छ ।
दुवै जनालाई उपचारको लागी चितवन मेडिकल कलेज लगिएको छ । मोटर साइकल चालक श्रेष्ठको टाउकोमा चोट लागेको छ भने कुमालको छातीमा गंभिर चोट देखिएको पनि प्रहरीले जानकारी दिएको छ ।
मंलगबार साँझ तिर भएको उक्त घटना पछि बसका चालक शहिद लखन गाउँपालिका–३ मनकामनाका ४२ बर्षिय बाघबिर गुरुङलाई प्रहरीले नियन्त्रणमा लिएको छ । घटनाका बारेमा अनुसन्धान भई रहेको गोरखा प्रहरीले जनाएको छ ।
