साँकेतिक तस्बिर
काठमाडौं । कञ्चनपुरमा श्रीमान र श्रीमती आफ्नै घरभित्र झुण्डिएको अवस्थामा भेटिएका छन् ।
लालझाडी गाउँपालिका–१ का २६ वर्षीय श्यामकुमार राना र उनकी श्रीमती २५ वर्षीया पुष्पा राना आफ्नै घरमा झुण्डिएको अवस्थामा फेला परेको जिल्ला प्रहरी कार्यालय कञ्चनपुरले पुष्टी गरेको हो ।
जिल्ला प्रहरी कार्यालयका प्रहरी नायब उपरीक्षक तथा सूचना अधिकारी प्रकाशबहादुर डाँगीका अनुसार घरको धुरीमा श्रीमान श्रीमती झुण्डिएको अवस्थामा भेटिएको थियो ।
मृतकका ३ वर्षीय बच्चा रोएको आवाज आएपछी नजिकै बस्ने हजुरआमा घरमा पुगेर हेर्दा दुवै जना झुन्डिएको अवस्थामा देखेर प्रहरीलाई खबर गरेकी थिइन् ।
