गोरखा । इस्टोनिया पठाइदिन्छुु भन्दै ३४ लाख १३ हजार रूपैयाँ ठगेको आरोपमा गोरखा बजारका राजेश श्रेष्ठलाई प्रहरीले राजधानीबाट पक्राउ गरेका छ । साविक पृथ्वीनारायण नगरपालिका–६ घर भई काठमाण्डौ तार्केश्चर नगरपालिका–१ बस्ने बर्ष ३५ को राजेश श्रेष्ठलाई प्रहरी पक्राउ गरेको हो ।
श्रेष्ठलाई काठमाण्डौं उपत्यका अपराध अनुसन्धान कार्यालयको टोलीले बुधबार साँझ राजधानीको नयाँ बानेश्वरबाट पक्राउ गरेको हो ।
रोजगारीका लागि एस्टोनिया पठाइदिने भन्दै पैसा लिइसकेपछि फरार भएकोभन्दै जनक बरालसहित ५ जनाले उजुरी दिए पछी उनलाई पक्राउ गरिएको उपत्यका अपराध अनुसन्धान कार्यालय प्रवक्ता प्रहरी उपरीक्षक रविन्द्र रेग्मीले जानकारी दिए ।
उनीहरुलाई पक्राउ गरी उपस्थित गराउन वैदेशिक रोजगार विभागले प्रहरीलाई पत्राचार गरेको थियो । पक्राउ परेका सबैलाई थप अनुसन्धान तथा कारबाहीका लागि वैदेशिक रोजगार विभाग ताहाचल बुझाईएको पनि प्रहरीले जनाएको छ ।